Read Punu 1 Corinthiens 2 Bible Online

1 Corinthiens 2 - Punu bible

1 Corinthiens 2

¹Baana bataji ava nyimaruyila ombu genu udusamunina bumbeji buNsambi nyisamakipa puela mambu.

²Nyimagana kaka rie: Ava nyubalonsila ngoduka motsu masusu yika Jesus Christ omagomunu va kurusu.

³Kabogu yiotsu ayi nyimaba nenu nyimaregamanga.

⁴Na posulu tsiami na malongi mami bisamalonsu na mangolu mami la dibandu dumalabila mangolu ma Yinyunyi yiNsambi.

⁵Diwendi rie: dusamaduka diela dimutu tumba dumavayila mangolu maNsambi yitu.

⁶Tumba ombu abamawara mu mambu maNsambi nyilonsi diela. Ngelonsi diela ditemu ejiji nesi diela dibatu aberumingi, abotsiemusa mangolu mogu.

⁷Tumba nyilonsi diela diNsambi adisamalelabana tumba adimasuegu ombu batu, adi Nsambi amatukunsila ne butamba bukasundu.

⁸Aberumi mu temu ejiji bagejabi diela diedidi; mbe bamadijaba mbe basamagomina Fumu bundumba va kurusu.

⁹Nana Bisonu bisonugulu rie: Amasakalabana, amasakagulunu na amasakaba ne ditasa, amana Nsambi amakunsila abemurondi.

¹⁰Nsambi amatulonsa yisuegu yiandi na diufi diYinyunyi yiandi. Mu mbari Yinyunyi yieni ekeluli motsu nesi duganu duNsambi adu amasuega tindi usuega.

¹¹Tulegengila mutu: tsiri murima andi aguijabi adivu nandi? Divu munongu mosi, yika Yinyunyi yiNsambi ejabi motsu maNsambi.

¹²Kabogu tusamadila murima aguvu na bisi butamba tumba tumadila Yinyunyi yiNsambi yiri tujaba motsu ama Nsambi amatuvayila.

¹³Tugelonsi na diela dibisi butamba tumba tuilonsi na diela diYinyunyi yiNsambi ombu jogu abavu na Yinyunyi yieni.

¹⁴Tumba mutu agusadila Yinyunyi yiNsambi agegulu mambu mangensa ameruyili Yinyunyi yieni na agorungula umajaba mu mbari mevosulu na Yinyunyi yiNsambi.

¹⁵Mutu agumadila Yinyunyi yiNsambi ekeluli motsu kabogu mutu agemufundisi.

¹⁶Nana Bisonu bisonugulu rie: Anyi ejabi murima uFumu? Anyi orungula umulonsa? Ne nana jetu tuijabi murima andi.