Read Punu 1 Corinthiens 7 Bible Online

1 Corinthiens 7 - Punu bible

1 Corinthiens 7

¹Mbana nyuwagula ama dumakwivula mu muganda agu dumansonina: mbe ka menu dibaala ayawela.

²Tumba yiri buvuyisa bugofunanga, dibaala diotsu abi na mugatsi andi na mugetu uotsu abi na mulumi andi.

³Mulumi adugusu dibasa dimugatsi andi na mugatsi avayi munongu mosi ombu mulumi andi.

⁴Mugatsi agerumi dunyuru duandi tumba mulumi oyidurumi; munongu mosi wandi mulumi agerumi dunyuru duandi tumba mugatsi oyidurumi.

⁵Duyabusasana; vo pa dudivayi tanguji yika mua temu aji dumavangana yiri durungula ukevega o dusambu. Mbana muesingasananu yiri dugomangu na Satan.

⁶Ngedurumi tumba yika musuga nyiveyi.

⁷Mbe ka menu mutu uotsu abi nana menu tumba mutu mutu ana pegulu aji Nsambi amamuvega, mutu mutu na pegulu pegulu.

⁸Ombu bapalata nombu bakuili nyivosi rie: Dubi nana menu.

⁹Tumba pa dugorungula uwarila bupalata, welananu; uwela uviolila ukebivisa na dibasa.

¹⁰Ombu baana bataji abamawela nyiveyi diruma (tsiri menu tumba Fumu), rie: Mugatsi ayaboka diwela na mulumi andi

¹¹pa amaboka diwela atsani, ayamuewelu vo agabusili ombu mulumi andi na mulumi wandi ayagusula mugatsi andi.

¹²Ombu basusu (tsiri Fumu, menu), nyivosi rie: Pa muana taji ana mugatsi agugaa na yitu na pa jandi erondi utsana nandi ayamubusa.

¹³Pa mugetu ana mulumi agugaa na yitu na erondi utsana nandi jandi ayabusa mulumi andi.

¹⁴Mu mbari mulumi agugaa na yitu amasingu na Nsambi mu mbari aji umosi na mugatsi andi na mugatsi agugaa na yitu amasingu na Nsambi. Kabogu baana bogu bamasingu na Nsambi; mbe tsi nana boba nderi baana babatu abageduki Christ.

¹⁵Pa mutu agugaa na yitu erondi uboka diwela na aguvu na yitu, yeri mulumi yeri mugatsi, ana musuga usinga vo ubusa mu mbari duganu duNsambi adudu rie: Tsananu sui!

¹⁶Tanguji ndeʼ mugetu guvu na yitu, gurungula ugobula mulumi agu! Ndeʼ dibaala aguvu na yitu tanguji gurungula ugobula mugatsi agu!

¹⁷Dimosi buandi mutu mutu akelisi pegulu atsi Fumu amamuvega, abi nana amabila ava Nsambi amamunengilila. Adina nyilonsi mabundu motsu.

¹⁸Av a mutu amanengululu, amaba asarebu? Ka ayamuerebu!

¹⁹Durebu vo ugambu urebu tsiri diambu, adivu diviolila motsu adidi rie: Kelisa maruma maNsambi.

²⁰Mutu abi nana amabila ava Nsambi amartiunengilila.

²¹Ava Nsambi amagunengilila gumaba muviga? Guyalaba uvura; tumba pa mutu erondi ugupalisa o buviga, ka singa.

²²Mu mbari ne pa mutu aji muviga yiotsu ayi Fumu emunengili esaa muviga. Munongu mosi pa mutu aji fumu na amawagula mbila Christ aji muviga andi.

²³Nsambi amadusumba na dufunu duneni kabogu duyamueba baviga babatu.

²⁴Baana bataji, nyibuela rie: Mutu mutu abi nana amabila ava Nsambi amamunengilila.

²⁵Mu diambu diabasakakota mu diwela ngaa na diruma diFumu. Ne nana nyijabi adivu nami te na namunyi, Fumu endabi nyisigama.

²⁶Adi nyitasi adidi rie: Mutu abi nana menu, diwendi rie: ayawela mu mbari o gusu purulu tsiufuna.

²⁷Gun a mugatsi? Guyaromba uboka diwela. Guji palata? Guyaromba uwela.

²⁸Pa gumawelana adina tsiri disumu ne pa tsiemi owelu agevayi disumu. Nyilonsi nana udulubusa rie: Batu abeweli bolabanga maguga yilumbu na yilumbu.

²⁹Baana bataji adi nyirondi uvosa adidi rie: Temu jimagufi, ubanda namunyi jogu abavu na bagatsi babi nderi bagaa na bagatsi.

³⁰Jogu abelili babi nderi bagaa na munyongu; jogu abereki babi nderi bagaa na nsangu; jogu abavu na mangolu usumba bima babi nderi bagaa na yima.

³¹Jogu abamakevega mu mambu mabutamba buebubu babi nderi bagaa muna mu mbari butamba yika usuka bisuki.

³²Ngerondi yiri dulabanga maguga. Jandi agusakawela esingini na mambu maFumu mu mbari erondi ulasa Fumu ubueji.

³³Jandi agumawela esingini na mambu madiwela mu mbari erondi ulasa mugatsi andi ubueji.

³⁴Divu munongu mosi na mugetu agumawelu. Jandi agumawelu esingini na mambu madiwela yiri olasa mulumi andi ubueji tumba mugetu agusawelu ava esinginini na bisalu biFumu, orungula ukevega jaʼ uotsu.

³⁵Nyivosi mambu memama uduwamusa. Ngerondi uduvega migaga. Nyirondi yiri dukevega na murima uotsu mu yisalu yiFumu.

³⁶Mbana mu diambu didibaala adimakuma mugetu paemunyungili na elabi yiri vengu owela, bawelini; agevayi disumu.

³⁷Tumba pa dibaala jaʼ beni amagana yiri agowela mugetu agu amakuma na pa agemunyungili na pa agaa na mabeʼ mabeji mu dionyi, evayi buranga, ayawela.

³⁸Kabogu oyiweli agu amakuma evayi buranga tumba oyibusi uwela agu amakuma emuviolili.

³⁹Mugetu aguwelu aji mugatsi umulumi andi te na jandi ofu. Tumba pa mulumi amafu ana musuga uwelana na agu erondi, tumba abi mutu uNsambi.

⁴⁰Tumba adi nyilabi adidi rie: Olaba ubueji uviolila pa otsana. Adina ditasa diami na diurungula uba diYinyunyi yiNsambi wandi.