Read Punu 1 Corinthiens 9 Bible Online

1 Corinthiens 9 - Punu bible

1 Corinthiens 9

¹Menu nyiji muviga? Nesi. Menu ngaa yilumbi? Menu nyisamalaba Fumu etu Jesus? Dusamagobulu mu diambu dimalongi maFumu ama nyimadulonsa?

²Diurungula uba yiri ombu basusu ngaa yilumbi tumba tsi nana ombu genu. Dunofiibana mirima na Christ, adina dilasi yiri nyiji yilumbi.

³Pa batu bemfuengilili, kwagululu ami ajiji rie:

⁴Ngesali? Ngaa na musuga uji nonu?

⁵Ngaa na musuga ulinga na mugatsi nana bilumbi bisusu bevayili nesi baana bataji baFumu nesi Pierre?

⁶Jetu na Barnabas buandi tumagandusu usala?

⁷Gora nyi okesumbila biotsu ava ewendili o divita? Anyi evari nungi na ageji biguji bijionyi? Anyi ebunguli mugamba biruitsi na agedili dikabu muna?

⁸Motsu mana meruyili mu ama tuilabingi yilumbu na yilumbu tumba migaga miMoise mimadiruma wandi.

⁹Dimasonugu muna migaga mieni rie: Guyagandisa ngombi uji ava erokili uresi. Diwendi rie: Nsambi ekelisi bangombi buandi?

¹⁰Tsia mu diambu dijetu nenu amabuayila nongu eni? Nyiina, dimasonugulu mu diambu dietu mu mbari oyivari nesi oyiroki edivayi na ditasa udila dikabu diandi.

¹¹Pa jetu tumadulonsa mambu maYinyunyi, dibandu yi togokelusulu nenu?

¹²Pa basusu bavu bawelimina ukelusu, jetu wetu tugokelusu uviolila jogu? Tusamaduka mugaga eni, diwendi rie: tumasala udila abietu yiri togobivisa Musamu Uboti uChrist.

¹³Duyalibana yiri abesali bisalu biNdagu Nsambi belisulu na jogu abesali va mbura aji benyensili pagu bana dikabu mu aji benyensi.

¹⁴Munongu mosi Fumu amaruma yiri jogu abesamuni Musamu Uboti bokusuga mu uonyi.

¹⁵Nyisakaduka mugaga eni na ngesoni utsunda mu dionyi. Nyimagana kala mu dionyi kabogu tsatsabi ngoguduka!

¹⁶Ngaa na musuga unyema mu mbari nyilonsi Musumu Uboti? Nyisamarumu ulonsa? Ka muna maguga ma nyulaba pa ngogusamuna!

¹⁷Pa nyilonsi mu mbari nyirondi ulonsa nyulaba nsangu ajiuba nderi yisaku. Tumba pa nyilonsi mu mbari nyimarumu ulonsa nyiduki diruma.

¹⁸Kabogu yi nyusaku? Ayiyi rie: Nsangu jiubasa murima ava nyusamunina Musamu Uboti uChrist ombu botsu ne ngoduka mugaga aguipeyi musuga ufutu mu mbari nyiji mulonsi uMusamu Uboti.

¹⁹Nyimapalusu o buviga, ngaa muviga umutu; tumba nyimakevaga muviga yiri nyudilila Fumu batu bapuela.

²⁰Ava nyisalili va gari baJuif nderi muJuif nyivu yiri nyudilila Christ baJuif. Ne pa ngaa o tsi migaga miMoise nyivayi nderi nyivu o tsi mionyi yiri nyudilila Christ abavu o tsi migaga.

²¹Munongu mosi ava nyivu va gari jogu abageduki migaga miMoise nyivayi nderi ngaa o tsi migaga yiri nyudilila Christ abagaa o tsi migaga. Digewendi rie: nyibusi migaga miNsambi tumba diwendi rie: nyiduki migaga miChrist

²²Ava nyivu va gari abadeda nyikipi udeda uogu yiri nyudilila Christ abadeda. Ombu munongu munongu nyimaba munongu ogu yiri tanguji nyugobula basusu.

²³Nyivayili motsu mu diambu diMusamu Uboti yiri nyugabulu miula.

²⁴Duyalibana ne pa bapuela bevayi birela yika umosi edili. Warisanu mambangu yiri dudila.

²⁵Jogu botsu abevovini bakegandisa mapuela. Bedivayi udila mua dugaba aduiboli tumba tuidivayi udila dugaba adugeboli.

²⁶La dibandu nyiji nderi mutu oyivovini; nyiwendi mbangu tsiri mawewenda; nyidimbi tsiri madidimba.

²⁷Nyikelisi dunyuru duami na buranga na nyitutsi nsala tsiduonyi yiri meʼ beni ngoba kondini kondini va gari aba nyimalonsa.