Read Punu 2 Corinthiens 13 Bible Online

2 Corinthiens 13 - Punu bible

2 Corinthiens 13

¹Temu ajiji ajimurieru uruga nyiruyi. Nana Bisonu bisonugulu rie: Ava duitabulili mambu dulegulu miunu mibeji nesi mirieru.

²Ava nyimabila mu muendu agumubeji nyimadulubusa, jenu aduivayingi masumu na basusu wandi. Namunyi ne nyivu vala nenu nyirondi umuedulubusa rie: Kebananu pa nyumueniga nodurasuna nana, dukilusu.

³Dulaba yiri nyiji nderi munu uChrist. Ava jandi ekilisili mutu agaa adeda, elasi mangolu.

⁴Diuleba udeda uandi umalabana ava amagomununu va kurusu tumba mangolu mandi melabini na durambugu duandi o dufu. Tunofubana mirima nandi tuifuami mu udeda uandi wandi na mangolu mandi melabini ava tuisalili nenu.

⁵Kekelulanu yitu yienu nojaba yeri yivu yingensa. Dugejabi yiri Jesus Christ aji nenu? Aji nenu pa dugobunsa yitu.

⁶Jabanu yiri jetu tusamabunsa yitu yietu.

⁷Diuleba tuilabini ombu basusu nderi tumabunsa yitu tumba tuisambili Nsambi yiri dugovaga dibi; tsiri ulasa mangolu tumba yiri duvaganga maboti.

⁸Jetu turungula utumuna paga na ngensa jiNsambi?

⁹Tuilabi ubueji ava tuvu tudeda na jenu duvu duwara. La dibandu tuisambilingi yiri duba bawelimina nandi.

¹⁰Duyalibana yiri Fumu amapega musuga uduwamusa tsiri ududetsa. La dibandu nyidusonini yiri ava nyutolila ombu genu tugomuebana musosi.

¹¹Kabogu baana bataji, kangualianu! Tsananganu buranga; kululuanu temu tsiotsu; banu na dinonga jenu beni na jenu beni. Nsambi durondu na duvotsu abi nenu!

¹²Bumbasananu! Baana bataji botsu bedutindili mambolu.

¹³Maboti maFumu Jesus Christ na durondu duNsambi na dinonga diYinyunyi yiandi bibi nenu.