Read Punu 2 Corinthiens 6 Bible Online

2 Corinthiens 6 - Punu bible

2 Corinthiens 6

¹Kabogu jetu atuisalingi na Nsambi tuirondi udulubusa rie: Duyalibana ulasasana maboti maNsambi nana Nsambi amadulasila.

²Guluanu adi Nsambi amavosa mu Bisonu rie: Nyimagugulu mu temu jiwelimina. Nyimaguwamusa mu yilumbu ayi nyimagugobulila. Guluanu! Diweru dimatola ulaba maboti maNsambi. Namunyi la yilumbu ayivu yiwelimina ugobulu.

³Jetu tugerondi yiri yisalu yietu yiugambu na tsongu kabogu tuikevega yiri tugotsimbusu mutu.

⁴Diuleba tumalasu maguga na purulu tumawarila motsu ulasa yiri tuji basalitsi baNsambi.

⁵Tumakumbu na tumadimbu na tumakotusu o tsugu; tumatsoga na bisalu te na tumabunsa uji nesi uwenda bilu.

⁶Tumakekelisa na tumaba na dujabu na pugu na maboti; amana mamalasa yiri ngensa tuvu basalitsi baNsambi. Va julu vana bamatulaba na Yinyunyi yiNsambi na durondu dungensa.

⁷Bamagulu malongi mangensa na bamalaba mangolu maNsambi. Dusungugu dumatuwendisa na buranga.

⁸Tumayitsu na tumalensu; tumasiengu na tumadodusu. Diuleba tumavosa ngensa tumalugu bifutsi.

⁹Diuleba botsu bamatujaba tumakelusu nderi tusamajabunu. Diuleba tuki monyu tumakelusu nderi tumafu kala, tumakilusu tumba tusamaboku;

¹⁰bam atsirisa mirima mietu ne nana tumalaba ubueji, tumalabu nderi bijaga ne nana tumagabila bapuela; tumalabu nderi tugaa na yima ne nana biotsu bimaba netu.

¹¹Bambatsi baCorinthe guluanu! Tusamadusuega diambu na tumaduronda na durondu dungensa.

¹²Tusamadukambisa tumba jenu dumatukambisa.

¹³Kabogu nyudulonsa nderi duvu baana bami; tukelisianu nana tumadukelisila. Turondianu na durondu dungensa.

¹⁴Disawelimina usala va mosi na batu abasakavayila yitu; maboti na mabi magesoyini, mbeyianu? Yijalala na pisama bigorungula usobana, mbeyianu?

¹⁵Christ na diabu borungula unonga? Mutu agumavayila yitu na agusakavayila yitu borungula unonga? Ndagu Nsambi na ndagu bakosi tsina dibandu dimosi?

¹⁶Jetu tuvu nderi Ndagu Nsambi. Nsambi jaʼ beni amavosa rie: Nyutsananga nogu nyuwendanga nogu, nyuba Nsambi ogu na jogu boba batu bami.

¹⁷La dibandu Fumu amavosila rie: Palanu va gari ogu nokakana nogu duyabemba ayivu muinsi na nyududila na nsangu.

¹⁸Fumu mangolu motsu amavosa rie: Nyuba Taji enu na jenu duba baana bami.