Read Punu Galates 3 Bible Online

Galates 3 - Punu bible

Galates 3

¹Ka muna buduka bu buvu na jenu bisi Galatie! Anyi amadusoga diela! Je dusamalaba Jesus Christ ava amagomununu va kurusu?

²Nsingulianu: Je dumadila Yinyunyi yiNsambi mu mbari dumadedila migaga vo mu mbari dumavayila Musamu Uboti yitu?

³Ka muna biduka bi! Duitasi yiri durungula ubanda nsanunu enu na Yinyunyi yiNsambi mbana dujisitisa na mangolu menu?

⁴Ditsoga dienu diuba yika kulini? Anana nyilabili!

⁵Ava Nsambi amaduveyila Yinyunyi yiandi na ava amasalila bimaga va gari enu amadivaga mu mbari duikelisi migaga vo mu mbari dunogulu Musamu Uboti dumaguvayila yitu?

⁶Anana Bisonu bisonugulu rie: Abraham amavayila Nsambi yitu na yionyi yimamusungiga nandi.

⁷Jabanu yiri jogu abavu na yitu bavu baana baAbraham.

⁸Bisonu bimatulonsa kala yiri Nsambi osungiga abagaa baJuif nandi na yitu. La dibandu Bisonu bimasonugulu kala ombu Abraham rie: Mu ndeju Nsambi ogabila bisi butamba buotsu miula.

⁹Abraham amamuvayila yitu na amagabulu mula; kabogu botsu abomuvayila yitu bogabulu miula.

¹⁰Jogu abekelisi migaga bamalogu kala. Bisonu bisonugu rie: Uotsu ogekelisi motsu amamasonugu mu migaga na uotsu ogemaduki, abi alogu!

¹¹Tumagulu na kala yiri mutu agosungugu na Nsambi ava ekelisili migaga mu mbari ne Bisonu bisonugu rie: Oyisungugu na Nsambi mu mbari ana yitu odila monyu.

¹²Migaga migekipi yitu. Tumba Bisonu bisonugu rie: Mutu oyikelisi migaga miotsu ana tsongu wandi na mionyi.

¹³Christ amatugusulila mulogu umigaga. Jandi amabonga mulogu eni ava amatufuila va kurusu nana Bisonu bisonugulu rie: Uotsu agumagomunu va muiri avu o tsi mulogu.

¹⁴Dimavagu yiri mula uAbraham ugabulu na Christ ombu abagaa baJuif yiri jetu wetu tunomuvayila yitu tudila Yinyunyi agu Nsambi amavangana netu.

¹⁵Baana bataji tulegulu diambu adilabini yilumbu na yilumbu! Pa batu babeji bevangini, betabusini dugasu, va julu vana mutu ususu agorungula ubunsa pangini ogu, nesi ubuesa diambu disusu.

¹⁶Kabogu Nsambi amavangana pangini na Abraham na mutegula andi. Tugerangi rie: Nombu bategula nana nderi bavu bapuela. Tuirangi rie: Nombu mutegula agu, diwendi rie: mutu umosi aguvu la Christ

¹⁷Adi nyirondi utsiyisa adidi rie: Nsambi amatabusana dugasu na Abraham na amaduwarisa. Mbana kama jina na magumarieru mabilima binovioga migaga mimavagu, amina misamaba na mangolu utsiemusa dugasu dueni.

¹⁸Diwendi rie: Pa adumavegu na Nsambi duigengili migaga kabogu dugaa pangini. Tumba Nsambi amaduvega ombu Abraham mu mbari amavangana nandi.

¹⁹Kabogu dibandu yi migaga mimavegulu? Mimavegu ulasa nana masumu mavu te na vana mutegula uAbraham oburulu agumavangununu pangini. Biansa bimamivega ombu yilumbi ayimaba munu ogu.

²⁰Tumba yilumbi yigaa na yisalu pa vavu yika mutu umosi; Nsambi avu umosi buandi.

²¹Je migaga na pangini jiNsambi bigaa na kingu mosi? Mbe vamaba mugaga agurungula uvega monyu kabogu mutu mbe amasungugu na migaga.

²²Tumba Bisonu bilonsi yiri batu botsu bavu baviga bamasumu kabogu abodila pangini jiNsambi la jogu abevayili Jesus Christ yitu.

²³Ne yitu yikaba tumakelusungu na migaga nderi baviga te na vana yitu yiulabana.

²⁴Kabogu migaga mimaba nderi mulonsi utega te na durugu duChrist, yiri yitu yiutusungiga na Nsambi.

²⁵Yitu yinolabana mulonsi eni agemueturuma.

²⁶Jenu botsu duji baana baNsambi mu mbari dumavayila Jesus Christ yitu.

²⁷Dunofubana mirima na Christ dumabatusu na bifu biandi bivu bienu wandi.

²⁸Vesaa muJuif vo agugaa muJuif, vesaa muviga vo fumu, vesaa dibaala vo mugetu; mu mbari jenu botsu dumafubana mirima na Jesus Christ.

²⁹Pa jenu duji aba Christ, kabogu duji bategula baAbraham na dudila aji Nsambi amavangana kala.