Read Punu Ephesiens 1 Bible Online

Ephesiens 1 - Punu bible

Ephesiens 1

¹Muganda egugu uiruyili ombu Paul, yilumbi yiJesus Christ mu duganu duNsambi. Nyidusonini jenu bisi Ephese abavu batu baNsambi na basigama abamafubana mirima na Jesus Christ.

²Maboti maNsambi na duvotsu bibi nenu mu diina diNsambi Taji etu na diFumu Jesus Christ.

³Tugabusilianu diboti ombu Nsambi aguvu Taji Fumu etu Jesus Christ. Tunofubana mirima na Christ Nsambi amatugabila pegulu tsiotsu tsiYinyunyi atsiruyili o julu.

⁴Ne bulongu bukasundu Nsambi amaketusolila uba abandi va mosi na Christ yiri tuba batu baNsambi abagaa na mbela. Na durondu duandi

⁵Nsambi amatabula kala yiri mu diina diChrist otunengila uba baana bandi; motsu mana mamaruyila ombu gandi.

⁶Tudodisianu Nsambi mu diambu dimaboti mandi amavu maneni amamalabana ava amatuveyila Muana andi udurondu tsiri na mifiotu.

⁷Christ anofu tumajegusu na masumu metu mamatandu. Ka muna maboti ma Nsambi amatulasa, monyi masamaba na difuimba.

⁸Na diela na mangolu ujaba adivu o gusu Nsambi amavaga adi amaketabulila

⁹na amatujabisa yisuegu ayimasuegu kala ayimadugusu na Christ.

¹⁰Duganu duNsambi adu odugusu va temu jiwelimina la dudu rie: bisundu biotsu: abi julu na abi butamba biufubana na biuba o tsi Durumu duChrist.

¹¹Motsu mevagu na duganu duNsambi; va dibandu Nsambi amatusola, amaronda yiri tufubana mirima na Christ yiri tuba baana bandi.

¹²Kabogu jetu atumarela u vayila Christ yitu tudodisianu Nsambi!

¹³Ava dumagululu malongi mangensa la Musamu Uboti agumadulonsa dugobutsu dumavayila Christ yitu. Nsambi amaduvega yilimba ulasa yiri duvu abandi la Yinyunyi yiandi agu amavangana kala.

¹⁴Kabogu Yinyunyi yieni la tuga. Jandi etulasi yiri Nsambi odugusu pangini aji amavangana na batu bandi va julu vana etulasi wandi yiri aba Nsambi boba tindi bajegusu. Tudodisinganu Nsambi.

¹⁵La dibandu nyinogulu nana dumavayila Fumu Jesus yitu na nana duirondili batu baNsambi botsu

¹⁶ng etoyi ugabusila Nsambi diboti mu diambu dienu na nyidurangimini na tsambu tsiami ava nyimoyili na Fumu.

¹⁷Nyisambili Nsambi, Fumu etu Jesus Christ, Taji bundumba yiri oduvega diela yiri dumujaba.

¹⁸Nyisambili wandi yiri odibula matuji menu yiri dugulu na buranga ditasa adimaduvegu ava Fumu amadunengilila.

¹⁹Ka muna miula mi fumu ogabila abandi! Nyirondi yiri dujaba wandi nana mangolu mandi mavu maneni ombu botsu abemuvayili yitu. Mangolu meni mamalasu

²⁰ava amarambusila Christ o tsi dufu na amamutsanisa va mabaala mandi.

²¹Aji vana na eviolili barumitsi botsu na ana buneni uviolila botsu abavu o julu nesi abavu vava tsi.

²²Nsambi amasunsa motsu o tsi Durumu duChrist na amamuvaga yivunda yineni yidibundu.

²³Dibundu la dunyuru duChrist, dionyi dilasi nana mangolu maChrist mavu mu mbari jandi edugusu motsu.