Read Punu Colossiens 3 Bible Online

Colossiens 3 - Punu bible

Colossiens 3

¹Kabogu pa jenu dumarambuga na Christ, rombanu mambu majulu, aguna Christ avu atsana va mabaala maNsambi.

²Keveganu mu mambu majulu na tsiri amavu mu butamba.

³Mu mbari jenu dumafu na monyu enu umasuegu na Christ ombu Nsambi.

⁴Ava Christ ojivu monyu enu olabinina jenu wenu dulabana na dugabulu bundumba buandi.

⁵Kabogu tsiemusanu bifu bibutamba abivu nenu, bionyi la buvuyisa na matasa mabi na nsala tsibi na ngusu ajivu dedi mosi na divanda.

⁶Mu mbari batu bevayingi mambu meni na bagededili Nsambi, kabogu obalasa kabu andi.

⁷Jenu wenu dumaleba nana jogu ava nsanunu tsienu tsimarumunu na nsala tsienu tsibi.

⁸Tumba busanu motsu mana, diwendi rie: kabu na yifutsu na bukanyi na bisiengu na mambu mamuinsi mayavosu nenu.

⁹Duyafurasana, dumadunda yimumutu na bifu biyionyi

¹⁰na dumakaluga batu bagona. Diwendi rie: mutu ugona agumasundu na Nsambi na jandi emubangusi mu yibagunu yiandi te na oba na dujabu dudugu.

¹¹Avava vasaa agugaa muJuif vo muJuif na vasaa agurebu vo agusarebu na vasaa yifufu vo dikulisi na vasaa muviga vo fumu mu mbari Christ avu awelimina ombu batu abamafubana mirima nandi.

¹²Jenu duji batu baNsambi; amaduronda na amadusola uba abandi. Kabogu banu na yingeba na yisagumunu na ukesunsa na buvolambombu na pugu.

¹³Wamusananu na pa umosi ana diambu na ususu tandasananu. Munongu mosi nana Christ amadutandila, tandasananu jenu wenu.

¹⁴Tumba va julu mambu meni motsu banu na durondu, duonyi duidugusu motsu.

¹⁵Banu na duvotsu duChrist adudukelisa. Tsiri mu duonyi Nsambi oduveyila mangolu uba dunyuru dumosi? Gabusilanganu diboti.

¹⁶Mbembu Christ jifuningi va gari enu na jiduveyingi mela motsu. Lonsasananu na lubusananu. Wimbilanganu Nyimbu na tsavu na nyimbu tsibunyunyi; wimbililanganu Nsambi ava duimugabusilingi diboti.

¹⁷Vaganganu motsu ne duilonsi ne duisali mu diina diFumu Jesus na gabusilanganu diboti ombu Nsambi Tata mu diina diJesus.

¹⁸Bagatsi, kesunsanu o tsi balumi benu nana divu diwelimina ombu Fumu.

¹⁹Balumi, rondanu bagatsi benu na duyabalasa maguga.

²⁰Baana, dedilanu bataji na banguji benu mu mambu motsu mu mbari divu diboti ombu Fumu.

²¹Bataji, duyanyoyisa baana benu yiri baketsora.

²²Basalitsi, dedilanu bafumu benu mu mambu motsu, tsiri yika va misu mogu ubalasa ubueji tumba badedilianu na mirima misunda mu mbari duidumi Fumu.

²³Motsu ama duivayi, mavayianu na murima usunda nana nderi dumamavayila Fumu tsiri batu.

²⁴Rangiminanu yiri Fumu odusaka, yisaku yieni yiuba ayi amasueyila batu bandi. Mu mbari Christ la Fumu aji duisalili.

²⁵Jandi oyivayi mabi okilusu mu monyi; Nsambi agaa na dupasu dubatu.