Read Punu 1 Thessaloniciens 4 Bible Online

1 Thessaloniciens 4 - Punu bible

1 Thessaloniciens 4

¹Va julu vana baana bataji tumadulonsa nana divu diwelimina utsana yiri dulasa Nsambi ubueji. Tuijabi yiri dumagulu malongi meni, kokolu tsienu, tsanaganu nana yilumbu na yilumbu.

²Mu mbari jenu duijabi mamma ama tumadulonsa, tumamalonsa na musuga uFumu Jesus.

³Ama Nsambi erondi amama rie: dubi dulioma na dugoba na buvuyisa.

⁴Dibaala diotsu ajabi ukelisa mugatsi andi nana divu diwelimina

⁵ayaba nana batu abageduki Nsambi, diwendi rie: abasakamujaba.

⁶Va julu vana mutu ayadionga muana taji andi. Tumaledulonsa tumba tuibuesi rie: Fumu okilisa abevayi mambu meni.

⁷Nsambi agerondi yiri tuba bipumbi tumba erondi tuba abandi.

⁸Kabogu oyibusi malongi memama agebusi mutu, ebusi Nsambi oyibaveyingi Yinyunyi yiandi.

⁹Tugaa na diambu umuedusonina mu diambu diurondasana. Nsambi ja beni amadulonsa urondasana.

¹⁰Jenu dumakerondila baana bataji botsu te no Macedoine. Kokolu tsienu, baana bataji royisanu durondu duenu.

¹¹Nana tumadulonsila kala tuibuesi tie: Jab anu utsana sui; duyafuama mu mambu mangana na salanu yiri dugoba na nsala uvonda vo udaga.

¹²Pa duiduki motsu mana batu abasakajaba Nsambi bodulaba duwelimina na jenu dugoba na nsala ugeqgila mutu ususu mu diambu dinsala tsienu.

¹³Baana bataji jetu tuirondi udulubusa mu diambu dijogu abamafu yiri jenu dugolilanga kulini nana basusu abagaa na ditasa.

¹⁴Mu mbari pa tuna yitu yiri Jesus amafu na amarambuga o dufu, tuvayianu yitu wandi yiri Nsambi ogabusa Jesus na abamafu na yitu ava bamafuila.

¹⁵Guluanu malongi maFumu ama tuilonsi: jetu atukivu monyu va durugu duFumu tugoreyilajogu abamafu kala.

¹⁶Avayivunda yibiansa ogamuyila na mumbanda uNsambi usigulu Fumu jaʼ beni osunduyila o julu. Jogu abamavayila Christ yitu mbe basakafu boreyila urambuga.

¹⁷Mbana jetu atukivu monyu va temu eni tumatiisu va mosi nogu mu mamungi ubengusana Fumu va yiliyili. Mbana jetu botsu tuba mutubu na Fumu.

¹⁸Warasananu na mambu meni.