Read Punu Josue 19 Bible Online

Josue 19 - Punu bible

Josue 19

¹Dikabu adimubeji dimavegu na mbanda ombu yifumba yiSimeon; muna mikuta miogu. Dikabu diogu dimaba va gari dikabu diyifumba yiJuda.

²Bamadila misiengi miemimi: Bercheba na Cheba na Molada,

³na Hassar-Choual na Baala na Essem

⁴na Eltolad na Betoul na Horma

⁵na Siclag na Bet-Markabot na Hassar-Soussa,

⁶na Bet-Lebaot na Charouen: yigumi na misiengi mirieru na mimbu amamabambana;

⁷na Ain na Rimmon na Eter na Achan: misiengi mina na mimbu amamabambana;

⁸na mimbu motsu amamaba yiari na yiari bimisiengi mieni te no Baalat-Ber aguvu Ramat-Neguev o tandu. Adina dimaba dikabu diyifumba yiSimeon muna mikuta miogu:

⁹dikabu diyifumba yiSimeon dimabongulu mu dikabu diyifumba yiJuda; mu mbari dikabu diyifumba yiJuda dimabaviogulila uroga. La dibandu yifumba yiSimeon bamadilila dikabu va gari ogu.

¹⁰Dikabu adimurieru dimavegu na mbanda ombu yifumba yiZabulon, muna mikuta miogu.

¹¹Mandilu madikabu diogu mamatola te no Sarid, mamamata o yiari ayi wisi ewendisini o yiari yiMarala na mamayeduku te no Dabbechet mbana mamavioga o mujamba aguvu va gusu Yocneam.

¹²Va Sarid mamayinguyila o yiari ayi wisi epalili te no mandilu maKislot-Tabor, mamavioga Dabrat na mamamata o Yafia.

¹³Avana mamavioyila o yiari ayi wisi epalili va Gat-Hefer o Eth-Cassin na mamavioga o Rimmon na mamawenda te no Nea.

¹⁴Mamamueyinguga o banda o yiari yiHannaton na mamapalila o yibususu yiIfta-El.

¹⁵Va julu misiengi miemimi: Cattat na Nahalal na Chimron na Idala na Bethleem. Yigumi na misiengi mibeji na mimbu amamabambana.

¹⁶Adina dimaba dikabu diyifumba yiZabulon muna mikuta miogu.

¹⁷Dikabu adimuina dimavegu na mbanda ombu yifumba yiIssakar muna mikuta miogu.

¹⁸Mandilu mogu mamavioyila o Jizreel na Kessoulot na Chounem

¹⁹na Hafaraim na Cion na Anaharat

²⁰na Rabbit na Quichion na Ebes

²¹na Remet na En-Gannim na En-Hadda na Bet-Passes;

²²mamatola te no Tabor no Chassaim no Bet-Chemech na mamapalila o mujamba uJourdain; yigumi na misiengi misiamunu na mimbu amamabambana.

²³Adina dimaba dikabu diyifumba yiIssakar muna mikuta miogu.

²⁴Dikabu adimuranu dimavegu na mbanda ombu yifumba yiAsser muna mikuta miogu.

²⁵Mandilu mogu mamavioga o Helcat na Hali na Beten na Akechaf

²⁶na Alamelek na Amad na Michal; mamatola te no yiari ayi wisi ewendisini o Carmel no Chihor-Libnat

²⁷mbana mamayinguga o yiari ayi wisi epalili o Bet-Dagon na mamatola o dikabu diZabulon na yibususu yilfta-El o banda Bet-Emec na Neiel na mamavindama o yiari yiCaboul o magetu,

²⁸no yiari yiAbdon na Rehob na Hammon na Cana te no Sidon aguneni.

²⁹Mbana mamamueyinguga o yiari yiRama nesi te no musiengi ukandu uTyr no yiari yiHossa uyepalila o mubu o yiari Mahalab no yiari yiAkzib.

³⁰Va julu vana misiengi miemimi: Ouma na Afec na Rehob. Magumabeji na misiengi mibeji na mimbu amamabambana.

³¹Adina dimaba dikabu diyifumba yiAsser muna mikuta miogu.

³²Dikabu dimusiamunu dimavegu na mbanda ombu yifumba yiNeftali muna mikuta miogu.

³³Mandilu mogu mamabandila o Helef o yiari yimiri Saananim na Adami-Nekeb na Yabneel te no Lacoum na mamapalila o mujamba uJourdain.

³⁴Mamayinguga o yiari ayi wisi ewendisini o Aznot-Tabor na mamamuebandila vana te no Houcoc na mamatola te no dikabu diZabulon o yiari yitandu no dikabu diAsser o yiari ayi wisi ewendisini no dikabu diJuda; mujamba uJourdain umaba o yiari yitandu no dikabu diAsser o yiari ayi wisi epalili.

³⁵Misiengi mikandu amimi: Siddim na Ser na Hammat na Raccat na Kinneret

³⁶na Adama na Rama na Hassor

³⁷na Quedech na Edrei na En-Hassor

³⁸na Iron na Migdal-El na Horem na Bet-Anat na Bet-Chemech. Yigumi na yifu yimisiengi na mimbu amamabambana.

³⁹Adina dimaba dikabu diyifumba yiNeftali muna mikuta miogu.

⁴⁰Dikabu dimusambuali dimavegu na mbanda ombu yifumba yiDan muna mikuta miogu.

⁴¹Mandilu madikabu diogu mamabandila o Sora na Echetaol na Ir-Chemech

⁴²Chaalabin na Ayalon na Itla

⁴³na Elon na Timna na Ecron

⁴⁴na Elteque na Guibeton na Baalat

⁴⁵na Yehoud na Bene-Berac na Gat-Rimmon

⁴⁶Yarcon na Raccon na bulongu abusungasana na Jaffa.

⁴⁷Dikabu diyifumba yiDan dimaduku te no yiari yingana. BaDan bamawenda uyetoyisa bisi Lechem; banobaboka bamabonga musiengi eni na bamatsana muna na bamaguluga Dan, adimaba diina ditaji ogu.

⁴⁸Adina dimaba dikabu diyifumba yiDan muna mikuta miogu.

⁴⁹BaIsrael banomana ugabana bulongu bamavega Josue muana dibaala uNoun dikabu diandi va gari ogu.

⁵⁰Na musuga uFumu bamamuvega musiengi agu amavonda: Timnat-Sera agumaba o mukongu uEfraim. Amamuerungulila musiengi na aguna amatsaninanga.

⁵¹Elazar muvagulitsi upagu na Josue muana dibaala uNoun na bivunda biIsrael bamagabinina makabu na mbanda va gusu Fumu o Silo va dikotulu diNdagu Yibenguna. Anana bamamanina ugaba bulongu.