Read Punu Josue 21 Bible Online

Josue 21 - Punu bible

Josue 21

¹Bivunda bimikuta mibisi Levi bamawenda ombu Elazar muvagulitsi upagu nʼombu Josue muana dibaala uNoun nʼombu bivunda bimikuta mibaIsrael.

²Bamavosa nogu o Silo o bulongu buCanaan rie: Fumu amaruma Moise yiri batuveyi misiengi ami tutsaninanga na mbura tsiukelisila bibulu bietu.

³Mbana baIsrael bamavega bisi Levi misiengi na mbura tsiukelisa bibulu nana Fumu amarumina.

⁴Bamabuaga mbanda jimikuta miQuehat na bisi Levi, diwendi rie: baana bababaala baAaron muvagulitsi upagu na mbanda jimagaanga yigumi na misiengi mirieru miyifumba yiJuda na yifumba yiSimeon na yifumba yiBenjamin;

⁵bategula baQuehat bamadila na mbanda yigumi yimisiengi mimikuta miyifumba yiEfraim na yifumba yiDan na yiasi yiyifumba yiManasse.

⁶Yifumba yiGuerchon yimadila na mbanda yigumi na misiengi mirieru mimikuta miyifumba yiIssakar na yifumba yiAsser na yifumba yiNeftali na yiasi yiyifumba yiManasse o Bachan.

⁷Yifumba yiMerari muna mikuta miogu yimadila yigumi na misiengi mibeji mu yifumba yiRuben na yifumba yiGad na yifumba yiZabulon.

⁸BaIsrael bamabuaga mbanda uvega bisi Levi misiengi na mbura tsiukelisila bibulu nana Fumu amarumina Moise.

⁹Kabogu yifumba yiJuda na yifumba yiSimeon bamasola misiengi ubavega.

¹⁰Amina mimaleba mibategula baAaron na mikuta miQuehat na miyifumba yiLevi mu mbari mbanda jimalebavega mionyi.

¹¹Bamabavega Quiriat-Arba aguvu Hebron o mukongu uJuda na mbura tsiukelisila bibulu atsimaba yiari na yiari: Arba amaba tindi Anac.

¹²Tumba misiru mimusiengi na mimimbu mimavegu disiala ombu Caleb muanadibaala uYefounne.

¹³Kabogu bamavega bategula baAaron muvagulitsi upagu musiengi agu abamaboka batu yivelu bamasueminanga, diwendi rie: Hebron na mbura tsiukelisila bibulu na Libna na mbura tsiukelisila bibulu,

¹⁴na Yattir na mbura tsiukelisila bibulu na Echtemoa na mbura tsiukelisila bibulu;

¹⁵na Holon na mbura tsiukelisila bibulu na Debir na mbura tsiukelisila bibulu,

¹⁶na Achan na mbura tsiukelisila bibulu na Youtta na mbura tsiukelisila bibulu na Bet-Chemech na mbura tsiukelisila bibulu: yifu yimisiengi mibifumba bieni bibeji;

¹⁷yifumba yiBenjamin, Gabaon na mbura tsiukelisila bibulu na Gueba na mbura tsiukelisila bibulu

¹⁸na Anatot na mbura tsiukelisila bibulu na Alemet na mbura tsiukelisila bibulu: misiengi mina.

¹⁹Dutalu dumisiengi mibavagulitsi bapagu abamaba bategula baAaron adudu: yigumi na misiengi mirieru na mbura tsiukelisila bibulu.

²⁰Bisi Levi abamaba mu mikuta misusu mibategula baQuehat bamadila na mbanda misiengi miyifumba yiEfraim.

²¹Bamabavega musiengi agumaba yisuemunu yibatu abamaboka batu yivelu, diwendi rie: Sichem na mbura tsiukelisila bibulu o mukongu uEfraim na Guezer na mbura tsiukelisila bibulu

²²na Quibsaim na mbura tsiukelisila bibulu na Bet-Horon na mbura tsiukelisila bibulu: misiengi mina;

²³na yifumba yiDan, Elteque na mbura tsiukelisila bibulu na Guibeton na mbura tsiukelisila bibulu,

²⁴na Ayalon na mbura tsiukelisila bibulu na Gat-Rimmon na mbura tsiukelisila bibulu: misiengi mina;

²⁵na yiasi yiyifumba yiManasse, Taanak na Ibleam na mbura tsiukelisila bibulu,

²⁶Dutalu dumisiengi miotsu adudu: yigumi yimisiengi na mbura tsiukelisila bibulu.

²⁷Bamavega bisi Levi abamaba mu yifumba yiGuerchon misiengi miyiasi yiyifumba yiManasse amimaba bisuemunu bibatu abamaboka batu yivelu: Golan o Bachan na mbura tsiukelisila bibulu na Bechetera na mbura tsiukelisila bibulu: misiengi mibeji:

²⁸mu yifumba yiIssakar, Quechion na mbura tsiukelisila bibulu na Dabrat na mbura tsiukelisila bibulu,

²⁹na Yarmout na mbura tsiukelisila bibulu na En-Gannim na mbura tsiukelisila bibulu: misiengi mina;

³⁰mu yifumba yiAsser, Michal na mbura tsiukelisila bibulu na Abdon na mbura tsiukelisila bibulu,

³¹na Helcat na mbura tsiukelisila bibulu na Rehob na mbura tsiukelisila bibulu: misiengi mina;

³²na yifumba yiNeftali misiengi ami batu abamaboka batu yivelu bamasueminanga: Quedech o Galilee na mbura tsiukelisila bibulu na Hammot-Dor na mbura tsiukelisila bibulu na Cartan na mbura tsiukelisila bibulu: misiengi mirieru.

³³Dutalu duotsu dumisiengi miyifumba yiGuerchon muna mikuta miogu adudu: yigumi na misiengi mirieru na mbura tsiukelisila bibulu.

³⁴Bamavega nsialutsu tsibisi Levi abamaba mu mikuta miMerari mu yifumba yiZabulon, Yocneam na mbura tsiukelisila bibulu na Carta na mbura tsiukelisila bibulu

³⁵na Dimna na mbura tsiukelisila bibulu na Nahalal na mbura tsiukelisila bibulu: misiengi mina;

³⁶mu yifumba yiRuben Besser na mbura tsiukelisila bibulu na Yahas na mbura tsiukelisila bibulu

³⁷na Quedemot na mbura tsiukelisila bibulu na Mefaat na mbura tsiukelisila bibulu: misiengi mina;

³⁸mu yifumba yiGad yimavegu misiengi ami batu abamaboka batu yivelu bamasueminanga: Ramot o Galaad na mbura tsiukelisila bibulu na Mahanaim na mbura tsiukelisila bibulu,

³⁹Hechebon na Yazer na mbura tsiukelisila bibulu: misiengi mina.

⁴⁰Dutalu dumisiengi amimavegu na mbanda ombu bisi Levi abamaba mu yifumba yiMerasri muna mikuta miogu adudu: yigumi na misiengi mibeji.

⁴¹Dutalu dumisiengi mibategula babisi Levi abamaba mu mbura tsiogu va gari baIsrael, adudu: magumana na yinana yimisiengi na mbura tsiukelisila bibulu.

⁴²Musiengi musiengi umaba na mbura tsiukelisila bibulu.

⁴³Anana Fumu amaveyila baIsrael bulongu abu amalevila pesi uvega bataji bogu; bamabudila na bamatsana muna.

⁴⁴Fumu amabavega yivumu mu mbura tsiotsu dedi mosi nana amalevila pesi na bataji bogu; Fumu amabalungisa; ne muvinitsi ogu umosi asamarungula ubabetsa.

⁴⁵Vasamabonduga ne diambu dimosi dipangini tsiotsu atsi Fumu amavangana na baIsrael: tsiotsu tsimadugusu.