Read Punu 1 Timothee 5 Bible Online

1 Timothee 5 - Punu bible

1 Timothee 5

¹Guyasiemba yinunu na mangolu tumba mulubusi nana nderi avu taji agu. Lubusa bafudu nana nderi bavu baana bataji bagu;

²lubusa binunu bibagetu nana nderi bavu banguji bagu; lubusa banumba na murima usunda nana nderi bavu bibusi biagu.

³Gobisa bakuili abavu basigama.

⁴Pa mukuili ana baana vo bategula abana bamukelisi mu mbari adina divu diwelimina na Nsambi. Diwendi rie: bakelisi mutu ogu uyenamugabusilanga maboti ama amalebavayila.

⁵Mukuili aguvu yisiana na etsani pinsa abi na ditasa ombu Nsambi na abi na yikanana nyangu na mukolu ava elembiyili na ava esambilili.

⁶Tumba mukuili agumarumu na nsala tsiandi amafu kala diuleba aki monyu.

⁷Balonsi mambu memama yiri bagosiembu.

⁸Pa mutu agaa na nsala batu nandi, sinsa viri abavu mu mukuta andi jandi amabunsa yitu yiandi na avu nderi mutu agusakavayila Fumu yitu.

⁹Guyafubana diina dimukuili na miina mabakuili basusu pa agaa na magumasiamunu mabilima. Va julu vana pa amawelana kumbu tsipuela

¹⁰vo pa agejabunu na bisalu biandi biboti ayasonu. Abi mugetu agumabungula baana bandi na buranga na abi agumaleba na yisagumunu nesi agumasusa makulu mabatu baNsambi.

¹¹Abi mugetu agumawarisa abamalaba maguga na abi agumajabunu usalanga bisalu biboti. Tumba guyasona bakuili abakivu bangebi mu mbari matasa mogu mobakakasana na Christ na boronda umuewelana, diwendi rie:

¹²bobunsa pangini aji bamavangana.

¹³Va julu vana baji batsoritsi, belingingi yiari na yiari na bagaa yika batsoritsi tumba bana dundiogu na befuami mambu mangana na bevosi amasawelimina uvosu.

¹⁴Kabogu nyirondi yiri abakivu bangebi bawelungu, baburingi baana na bakelisingi ndagu tsiogu yiri abetuvini bagoba na mambu utugela.

¹⁵Bakuili bamosi bamatubusa uduka Satan.

¹⁶Pa baana bataji (ne dibaala ne mugetu) bana bakuili la yisalu yiogu ubakelisa yiri dibundu digoba na mufuna eni na diurungula uwamusa bakuili abavu bisiana.

¹⁷Bivunda abirumi dibundu buranga balabu yiri bawelimina ufutu ne kumbu beji sinsa viri jogu abemani mangolu ulonsa.

¹⁸Mu mbari Bisonu bisonugu rie: Guyagandisa ngombi uji ava erokili uresi. Na musalitsi awelimina na futa andi.

¹⁹Guyatabula bunsonsi buyivunda te na mbeji beji vo yirieru bomana miunu.

²⁰Siemba jogu abevayi masumu va gusu batu botsu yiri basusu wandi bolubuga.

²¹Kokolu tsiagu, va gusu Nsambi na Jesus na biansa abimasolu, nyigulubusi rie: Kelisa mambu memama na guyaba na dupasu.

²²Guyasundila usakiga batu miogu ubabiatsa na guyafuama mu masumu mangana. Ndeju beni kekelisa.

²³Guyanuanga yika mamba tumba sobananga na mua pesu malamu mu diambu dimoji agu na diubela uagu.

²⁴Masumu mabatu bamosi melabini ne bakafundusu tumba basusu, masumu mogu molabana o gusu.

²⁵Munongu mosi, bisalu biboti ne pa bigelabini buranga o gusu biulabana.