Read Punu Tite 1 Bible Online

Tite 1 - Punu bible

Tite 1

¹Muganda egugu uiruyili ombu Paul. Nyiji musalitsi uNsambi na yilumbi yiJesus Christ. Nyimasolu uwarisa abasolu na Nsambi yiri bojaba ngensa ajivu na muyitsa etu,

²aguvu na ditasa dimonyu umutubu. Nsambi agugefuri amavangana kala ne butamba mbe busakasundu

³yiri va diweru diwelimina jandi osamuna Mambu mandi. Mambu meni nyimavegu na nyimasamuni na diruma diNsambi Mugobutsi etu.

⁴Nyigusonini Tite muana ami, agu nyimadila mu diambu diyitu yietu. Maboti maNsambi na duvotsu bibi nagu mu diina diNsambi Tata na diJesus Christ Mugobutsi etu.

⁵Nyimagusila o Crete yiri gusungiga amasakasungama, sola bivunda bidibundu nana nyimalegutsingulila yiri musiengi musiengi uba na yivunda yidibundu. Guyalibana mamma mami:

⁶Yivunda yidibundu ayaba na nsiembu; abi na mugatsi umosi na abi na baana basigama abagaa na mambu mansoruru na bayaba mimbini.

⁷Aji musalitsi uNsambi kabogu ayaba na mbela tsiotsu. Ayaba mungo yikali vo mungo kabu vo mungo dilangi nesi mungo dikasi na ayaba mudiongitsi.

⁸Abi mutu aguvu na yisagumunu na aguirondi amavu maboti. Abi sui na usungama na abi mutu Nsambi oyijabi ukeruma.

⁹Arondi malongi mangensa nana mamalonsulu yiri oba awelimina ulonsa basusu mangensa nosungiga amagaa mawelimina.

¹⁰Vavu batu bapuela va gari abarebu abavu mimbini na abavu bango bipovu na badunsitsi.

¹¹Bagubitsi mu mbari na paga tsiogu bepansi mukuta uotsu na belonsi mambu ama bagaa na musuga ulonsa yiri bodila mbongu.

¹²Umosi va gari ogu, tindi mubiyitsi ogu, amavosa rie: Bisi Crete botsu baji bafuritsi na baji bimbesi na batsoritsi abetasi yika uji.

¹³Bumbeji bueni buvu bungensa. La dibandu basiembi na mangolu yiri babi sikiri.

¹⁴Bayakevega mu tsavu tsibaJuif na mamma mabatu abamabusa mambu mangensa.

¹⁵Biotsu bivu bilioma ombu jogu abavu balioma tumba vagaa ne yimosi ayivu yilioma ombu jogu abavu na muinsi na mirima migala; diela diogu na mirima miogu bimabiva kala.

¹⁶Jogu bevosi nderi bejabi Nsambi, bisalu biogu bigelasi nana. Bavu na nsomm na baji balensitsi na bagaa bawelimina usala ne yisalu yimosi yiboti.