Read Punu Tite 2 Bible Online

Tite 2 - Punu bible

Tite 2

¹Ndeʼ lonsa malongi mawelimina amavu mangensa.

²Lonsa babaala abamanuna yiri bayalanga na babi na businginyi; babi basunda na babi bawara na yitu na durondu na pugu.

³Lonsa bagetu abamanuna yiri babi sui nobagunu na Nsambi. Bayaba na matamba na nsala malamu.

⁴Balonsi malongi maboti yiri bowijisa bagetu abakivu bangebi nana divu diwelimina uronda balumi bogu.

⁵Va julu vana bobawijisa uba sui na usigama na bisalu bindagu nodedila balumi bogu yiri batu bagolensa Mambu maNsambi.

⁶Munongu mosi lubusa bafudu uba basigama.

⁷Mu diambu diyisalu yiagu lasa yiri guji uwelimina. Ba usigama ava guilonsili yiri batu bagolensa ama guilonsi.

⁸Pa guivayi nana tanguji batu abeguvini bolaba yisonyi mu mbari bagogulu diambu adi bogugelila.

⁹Basalitsi badedili bafumu bogu nobalasaubueji. Bayabagelanabayadaga.

¹⁰Tumba balasi yiri bavu baboti na basigama yiri malongi maNsambi Mugobutsi etu magolensu.

¹¹Maboti maNsambi mamalabana ava dugobutsu dumavegulu, aduvu duwelimina ombu botsu.

¹²Monyi metulonsi ubusa mabi na dunyungi noba na diela na dusupgugu nobagunu na Nsambi ava tuitsanini vava tsi na ava tuivivili yilumbu yieni.

¹³Tuiyivivi na ditasa ulaba bundumba buNsambi etu nolaba Mugobutsi etu Jesus Christ ava oruyila.

¹⁴Jandi amakevega mu diambu dietu na amatugobula mu mabi motsu, diwendi rie: amatuvaga batu bandi abamaliomusu abavu liyiyi na nsala uvaga maboti.

¹⁵Lonsa mambu meni. Salisa musuga agu Nsambi amaguvega. Lubusa batu nobasjemba. Mutu ayagulensa.