Read Punu Hebreux 3 Bible Online

Hebreux 3 - Punu bible

Hebreux 3

¹Baana bataji bami, jenu adumanengulu na Nsambi, gengilatianu Jesus agu Nsambi amasindiga uba yivunda yibavagulitsi bapagu bamuyitsa etu.

²Jandi amaba asigama ombu Nsambi agumamusola usala yisalu yieyiyi munongu mosi nana Moise amabila asigama mu yisalu yiandi yiNdagu Nsambi.

³Murungitsi ndagu ana digoba uviolila ndagu. Munongu mosi Jesus ana bundumba abuiviolili abu Moise.

⁴Ndagu jiotsu jimarungu na mutu tumba jandi oyirungi bima biotsu la Nsambi.

⁵Moise agumaba musalitsi amaba asigama mu yisalu yiNdagu Nsambi. Jandi amaba musalitsi agumabiga mambu ama Nsambi mbe ovosa.

⁶Tumba Christ aji asigama na aji Muana oyirumi yisalu yiNdagu Nsambi. Tuji ndagu andi pa tugotsiemusa yitu na pa tumana mangolu metu motsu udila adi tumaletasila.

⁷La dibandu Yinyunyi yiNsambi evosili rie: Pa duigulu diufi diNsambi namunyi,

⁸Duyamueba mimbini nana dumaleba ava dumalensila Nsambi, nana dumabila o kumu ava dumamangila Nsambi.

⁹Nsambi amavosa rie: Diuleba bategula benu bamalabanga bisalu biami magumana mabilima ne nana bamambanga na bamakweliga.

¹⁰La dibandu nyimabanyoyila na nyimavosa rie: Bana mbela mu motsu; basakawiji ne dimosi!

¹¹Nyimanyoga na nyimagana kaka rie: Tsatsabi! Bagokota nami o yivumu!

¹²Kebananu baana bataji yiri vagoba mutu va gari enu agugalisa murima te no okakana na Nsambi aguvu monyu.

¹³Ava dukivu na temu lubusananganu yilumbu na yilumbu yiri vogoba mutu agudunsu na masumu nogalisa murima andi.

¹⁴Jetu botsu tumafubana mirima na Christ na tuba abandi pa tugotsiemusa yitu ayi tumaledila va dibandu.

¹⁵Bisonu bisonugulu rie: Pa duigulu diufi diNsambi namunyi duyamueba mimbina nana dumabila aya dumalensila Nsambi.

¹⁶Banyi bamaba mimbini ava dumagululu Mambu mandi? Tsiri jogu botsu aba Moise amapalisa o Egypte?

¹⁷Va julu vana Nsambi amanyoyila banyi kabu magumana mabilima? Tsiri jogu abamavaganga masumu? Tsia mfumbi tsiogu tsimayenasialanga o kumu?

¹⁸Anyi amagana kaka yiri bagokota nandi o yivumu? Tsiri Nsambi? Ombu banyi jimaganunu? Tsiri jogu abamaba mimbini?

¹⁹Tuilabi wandi yiri basamakota o yivumu mu diambu diugala uogu umirima.