Read Punu Hebreux 4 Bible Online

Hebreux 4 - Punu bible

Hebreux 4

¹Nsambi amavangana netu yiri tukota nandi o yivumu kabogu tukebinianu yiri tugobunsa pangini.

²Musamu Uboti umatusamununu munongu mosi nana umabasamununu. Bamagulu Musamu tumba usamaba na tsongu ombu gogu mu mbari basamaguvayila yitu.

³Kabogu jetu atumavayila yitu tukota nandi o yivumu. Anana Nsambi amavosilarie: Nyimanyoga na nyimagana kaka rie: Tsatsabi! Bagokota nami o yivumu! Diuleba amamana na bisalu biandi biotsu tumba amakunsa yivumu yieni vana amasundila bulongu.

⁴Vavu bibuku mu Bisonu abilonsi diambu diyilumbu yimusambuali, bisonugu rie: Nsambi anomana bisalu biandi biotsu amavuma yilumbu yimusambuali.

⁵Diambu diedidi dimamuevosu na Nsambi rie: Jogu bagokota nami o yivumu.

⁶Abamalegulu Musamu Uboti basamakota nandi o yivumu mu mbari basamavayila Nsambi yitu. Kabogu vavu basusu abokota o yivumu na Nsambi.

⁷Dilabini mu mbari Nsambi amatubula temu, amavosa rie: Namunyi. Bilima bipuela bimavioga mbana David amamuemuvosila rie: Pa duigulu diufi diNsambi namunyi, duyamueba mimbini.

⁸Mbe Josue amabakotisa o yivumu na Nsambi mbe Nsambi asamamuerangula yilumbu yisusu.

⁹Kabogu nana Nsambi amavumina yilumbu yimusambuali munongu mosi batu bandi bokota nandi o yivumu.

¹⁰Mu mbari botsu abokota nandi o yivumu bodunda bisalu biogu nana Nsambi amadundila abiandi.

¹¹Tuwarilianu ukota na Nsambi o yivumu. Tuyabusa umudedila yiri tugokonda ukota nandi o yivumu munongu mosi nana jogu abamaba nandi o kumu bamakondila.

¹²Mbembu Nsambi jituwamusi. Jivu monyu na jina mangolu. Jina mengu uviolila dijenga adivu mengu yiari na yiari, adipasuli muvumu na yinyunyi na manyogu na matsi mabivisi. Jina mangolu ujabisa nsala tsimirima na matasa mabatu.

¹³Vagaa yisundu ayimasuema va gusu Nsambi. Biotsu bilab ini ombu gandi nombu gandi wandi jetu tudendula ametu motsu.

¹⁴Tuwarisianu yitu ayi tuisamunianu. Mu mbari yivunda yietu yibavagulitsi bapagu amakota tindi ombu Nsambi; jandi la Jesus Muana Nsambi.

¹⁵Yivunda yietu yibavagulitsi bapagu ana murima na ejabi udeda uetu na amamangu munongu mosi nana jetu tumba asamasumuna.

¹⁶Kabogu tubambinianu o yitsiga yibufumu yiNsambi aguna maboti mandi mavu. Aguna tutandu na tudila tindi maboti mandi amotuwamusanga.