Read Punu Dulasu 14 Bible Online

Dulasu 14 - Punu bible

Dulasu 14

¹Mbana nyimagengila na nyimalaba Muana Yindombu arelama va julu mukongu uSion. Vamaba kama na magumana na tosini jina tsibatu bandi, abamasonu diina diandi na diTaji andi va mambami mogu.

²Diufi adimagulunu dimaruyila o julu na dimaba nderi nduku jibivelanesi jibidumi. Ne nana dimaba nderi kingu aji basiyitsi babasambi besiyingi.

³Barnaba diteli va gusu yitsiga yibufumu, jogu na bibulu bina na bivunda; jogu botsu bamawimbila duimbu dugona adu yika kama na magumana na tosini jina abamagobulu bamajaba.

⁴Jogu baji babaala abasakafubana bitsiga na bagetu; diweridi rie: baburulungu basakabemba bagetu. Bedukingi Muana Yindombu mbura tsiotsu atsi ewendingi; bamaba batega ugobulu va gari batu botsu na baji batega uwakusu ombu Nsambi nombu Muana Yindombu.

⁵Baburulungu basakafura; bagaa na mbela jiotsu.

⁶Mbana nyimalaba yiansa yisusu ayimapurumuganga o julu, yimasamunanga Musamu Uboti ombu botsu, diwendi rie: bifumba biotsu na binombu biotsu na mambembu motsu na malongu motsu.

⁷Yimavosa na diufi dineni rie: Dumanu Nsambi na yitsanu bundumba buandi! Diweru dimatola adi otabulila batu bunsonsi. Kutamanu va gusu Nsambi nomuyitsanga, jandi omavaga julu na butamba na mubu na bileka.

⁸Yiansa ayimubeji yimaduka ayitega, yimavosa rie: Babylone jineni jimapansiga! Jandi amagabila batu botsu malamu mandi na amababamiga umanu, diwendi rie: malamu amavu buvuyisa buandi.

⁹Yiansa ayimurieru yimaduka bibeji bisusu. Yimavosa na diufi dineni rie: Oyiyitsi yibulu na yibagunu yiandi na oyisonu va mbami vo va dikaka diandi onu malamu maNsambi

¹⁰diwendi rie: olasu kabu jiNsambi ajigorungula uvotsu; botsu abevayi nana bolasu maguga mamuji na fula va gusu biansa biNsambi na va gusu Muana Yindombu.

¹¹Nsumbili jimuji aguibalasi maguga jimatingi te na mutubu. Ombu jogu abeyitsi yibulu na yibagunu yiandi nombu jogu abamasonu; vagaa yivumu nyangu na mukolu.

¹²Mu dionyi batu baNsambi bana nsala yikanana yiri bokelisa mamma maNsambi noba basigama ombu Jesus.

¹³Mbana nyimagulu diufi adimaruyila o julu adimavosa rie: Sona diambu diedidi: Ka muna ubueji gu jogu bolaba abefu mu yisalu yiFumu! Mbana Yinyunyi yiNsambi amawaka rie: Nyiina, bovumina bisalu biogu mu mbari bisaku bimabavegu kala.

¹⁴Mbana nyimagengila na nyimalaba dimungi divema. Mutu agumabagunu na Muana Mutu amatsana muna, amaduara dugaba dulora na va dikaka diandi vamaba mukuati uneni umengu.

¹⁵Yiansa yisusu yimapalila o Ndagu Nsambi na yimagamuga na diufi dineni ombu jandi agumatsana va dimungi rie: Sala mu mbari diwem diutsonsiga dimaiola; mugunu umawela.

¹⁶Jandi agumatsana va dimungi amasalana mugunu umatsonsugu.

¹⁷Mbana nyimalaba yiansa yisusu ayimapalila o Ndagu Nsambi ajimaba o julu. Jandi wandi amaba na mukuati uneni umengu.

¹⁸Mbana yiansa yisusu ayimakelisa muji yimapalila o yinyensulu yipagu. Yimagamuga ombu jandi agumaba na mukuati uneni umengu rie: Sala! Milunda mimfuga mimawela, midokuli.

¹⁹Kabogu yiansa yimasala na mukuati andi na yinomana udokula milunda mimfuga yimamibuaga mu yigamunu ayivu kabu jiNsambi.

²⁰Milunda mimagamu na yigamunu va gusu kana musiengi. Yigamunu yieni yimapalisa malungu amamaba nderi nyidu ajimabasa mbura ajimaba kama yirieru tsikilumetera na ndonga jimetera mosi na yibuku.