Read Punu 1 Samuel 23 Bible Online

1 Samuel 23 - Punu bible

1 Samuel 23

¹Yilumbu yimosi bamayetsingula David rie: BaPhilistin bamayekanda Queila na ukinda bekindi bisagulu.

²David amawivula Fumu rie: Je nyuwenda uyetoyisa baPhilistin? Fumu amamuwaka rie: Wenda yetoyisa baPhilistin na guwaka Queila kalala.

³Tumba badukitsi baDavid bamamutsingula rie: Guluati, lesa guna Juda goma jivu netu tambusa no Queila pa tuweʼ uyetoyisa baPhilistin?

⁴David amamuewivula Fumu. Fumu amamuwaka rie: Relama, wenda o Queila mu mbari nyuwakisa baPhilistin ombu gagu.

⁵Kabogu David na badukitsi bandi bamawenda o Queila uyetoyisa baPhilistin; bamabagudisa tindi ugudisa na bamayenabega biruitsi biogu. Anana David amawakila bisi Queila kalala.

⁶Ava Abiatar muana dibaala uAhimelek amarinina ombu David o Queila amawenda na bima biogu biyingitsi umoyila na Fumu.

⁷Saul amagulu yiri David amaruyila o Queila, amavosa rie: Nsambi amamuwakisa ombu gami mu mbari amakebindiga o musiengi agumaba na maguyi mamadilu.

⁸Saul amanengila bagora botsu o divita o Queila uyekanda David na badukitsi bandi.

⁹David amajaba ditasa dikulini adi Saul amamutasila, amatsingula Abiatar muvagulitsi upagu rie: Bega yilinga yiyijungi yibuvagulitsi bupagu!

¹⁰David amasambila rie: Fumu Nsambi Israel nyigulu yiri Saul erondi uruga gunu Queila uyibunga musiengi mu diambu diami.

¹¹Bisi Queila bokwakisa ombu gandi? Saul oruga nana nsigululu? Fumu Nsambi Israel, kwaguli!

¹²Fumu amawaka rie: Oruga. David amamuewivula rie: Bisi Queila botuwakisa, jetu na badukitsi bami ombu Saul? Fumu amawaka rie: Boduwakisa.

¹³Mbana David na badukitsi bandi bamaretsama; dutalu duogu dumaba kama yisiamunu tsibabaala; bamarambuyila o Queila na bamayenawenda mawewenda. Saul anojaba yiri David amarina o Queila asamamuewenda.

¹⁴David amayetsana o kumu jiZif va julu tsimikongu amiranga ubindugu. Yilumbu na yilumbu Saul amayenarombanga David, tumba Nsambi asamamuwakisa ombu gandi.

¹⁵David amalaba Saul uketa eyenamuketanga na nsala umuboka kabogu amaba o kumu jiZif o musiru.

¹⁶Yilumbu yimosi Jonatan muana dibaala uSaul amawenda ombu David o musiru uyemuwarisa mu diina diNsambi.

¹⁷Amamutsingula rie: Guyaduma diambu mu mbari taji ami Saul agorungula uguvayila diambu. Gurumanga o Israel, nyuba agumubeji mu dunmu duagu; taji ami Saul edijabi wandi.

¹⁸Va gusu Fumu ogu, jogu botsu babeji bamawarisa dinonga; David amasiala o musiru na Jonatan amayenagabuga.

¹⁹Bisi Zif bamawenda ombu Saul o Guibea na bamamuwivula rie: Gugejabi yiri David usuema esuemi o misiru mietu o mikongu amiranga ubindugu, nesi o mukongu uHakila aguvu o tandu jikumu?

²⁰Kabogu pa guirondi umubonga, ruga; tumuwakisa ombu gagu.

²¹Saul amagamuga rie: Fumu adugabili miula mu mbari duindasi yingeba.

²²Muewendanu uyetsiyisa mbura aji amawendasana nojaba anyi amasita umulaba mu mbari bamansingula yiri avu tindi mubengu.

²³Yekelulanu nojaba mbura tsiotsu atsi esuemini mbana dukamueruga ombu gami, ngerondi undunsu; nyududuka. Pa avu muna bulongu buenu nyumudila nesi va gari batosini babaJuda.

²⁴Kabogu bamareyila Saul o Zif. David na badukitsi bandi bamaba o kumu jiMaon o tandu.

²⁵Saul amawenda na bagora bandi uyeromba David. Batu bamalubusa David, kabogu amagusuga va dimanyi dieni uwenda o kumu jiMoan. Saul amadigulu na amamuduka o yiari yieni.

²⁶Saul amayenavioganga o yiari yimosi yimukongu, David na badukitsi bandi bamavioga o yiari yisusu. David amarina Saul tindi mbangu. Tumba Saul na bagora bandi bamakekandila David na badukitsi bandi ubagaanga.

²⁷Tumba yilumbi yimalabana uyetsingula Saul rie: Lensa noruga mu mbari baPhilistin bamabasa bulongu.

²⁸Kabogu Saul amadunda ubingisa David, amayenagabusila ubengusana baPhilistin. La dibandu bamaluyila mbura eni dimanyi didukakusunu.