Read Q'anjob'al 2 S 9 Bible Online

2 S 9 - Q'anjob'al bible

2 S 9

¹Max k'anlej cham rey David: ¿Ay tom wal junokxa is yinatil Saúl max cani, bay chi je' in colwaji, yuj in camc'ulal yetok Jonatán? ẍi.

²Ay jun is chekbej Saúl chi yik Siba, max awtelay bay satak rey David. A yet max apni oc xin, max k'anlen cham bay: —¿Ach mi ti' chek Siba? ẍi bay. —Ja', ayin ton mamin rey, ẍi Siba.

³Cax max k'anlen cham bay nak: —¿Ay tom wal junokxa is yinatil Saúl ayic'ok, bay chi je' in colwaj bay yet chi wikej in trato max in watx'nej satak Jehová? ẍi. Max tak'wi Siba: —Ay jun is c'ajol Jonatán, man watx'ok yayji yakan cabil, ẍi Siba.

⁴—¿Baytal ay nak? ẍi David. —Ata tu' ay bay Lo-Debar bay yatut Maquir is c'ajol Amiel, ẍi Siba.

⁵Max lajwi tu xin, cax max yak'on David toj tit Mefi-boset is c'ajol Jonatán, yitxiquin Saúl. A yet max jayoc bay satak rey David, max ay nojanok. —Mefi-boset, ẍi David. —Tix in ti, mamin rey, ẍi.

⁷Max yalon cham bay: —C'amokabxa a bilc'ulal, caw wal tol xajan ok ach wila' yuj in camc'ulal yetok Jonatán a mam. Ok wak' masanil tx'otx' a mamicham Saúl ayach, yetok c'apaxok, ok ach lowc'al wetok, ẍi.

⁸Max ay nojnaj Mefi-boset, max yaloni: —Mamin rey, ¿tzet wal yuj xan chi cus a c'ul win ayin a chekbej in ti', yujtol lajanxac'al wayji axca junok no camnak tx'i'? ẍi.

⁹Cax max awtelay Siba tu', a ton jun is chekbej Saúl yet payxa: —Ti' wal ok wak' pax masanil tzet yetal yet a patrón c'al yuninal bay jun is yitxiquin ti'.

¹⁰Ach ti' ok ach mulnaj bay sat tx'otx' tu' yetok masanil a c'ajol c'al yetok masanil a chekbej. A masanil tzet chi aj bay sat tx'otx' cax cha wajban yul junok is c'unail, yet watx' chi oc yopiso yuj yuninal Mefi-boset ti'. Axa pax a' xin ok lowc'al wetok, ẍi David bay. Ay olajonwan c'ajol Siba tu', cax ay junc'alwan is chekbej.

¹¹Cax max tak'wi Siba: —A masanil tzet cha chek in watx'nej ti', ok in watx'nej, ẍi. Axa pax Mefi-boset xin, axcaxa yuninal rey David max yutcan bay yatut, a tu' chi low junjun c'u.

¹²Ay jun is c'ajol Mefi-boset tu' yaliẍto chi yik Micaía. A masanil mac ayic' bay yatut Siba tu', is chekbej Mefi-boset yayji eb.

¹³Man watx'ok yayji yakan Mefi-boset tu' cabil, yuj tu' a tu' ayic' bay Jerusalén, cax axac'al tu' max low yetok David.