Read Q'anjob'al 1 R 9 Bible Online

1 R 9 - Q'anjob'al bible

1 R 9

¹Max lajwi yaj can templo Jehová yuj cham rey Salomón, yetok is despacho c'al yetok jantak tzetak yetal max watx'nej,

²max tx'oxon ba Jehová yet is cayelal bay, axca max yun tx'oxon ba bay bay conob Gabaón.

³Max yalon Jehová: Max wab tzet max al yin a txaj c'al masanil tzet max a k'ana'; max wacan oc jun templo max a watx'nej ti' wetok, yet watx' a tu' ok occ'al ayilal ayin, cax ayinc'al ec' bay, ok wilc'al yin tojbalk'inal.

⁴Yuj tu xin, ta watx'c'al ok ot a ba axca max yut ba David a mam, ta yetok masanil a c'ul chin aon oc yin a c'ul, cax tojolc'al chot a ba, chekenc'al masanil tzet max wak' onej, cax cheken in ley c'al in chekbanil,

⁵ta axca tu', junelnej chi occan ekbej ti' xol conob Israel axca max yun walon bay David a mam, tol ayc'al yinatil ok oc reyalok conob Israel ti'.

⁶Palta ta ok ach elcan wintak, ma eb enatil ok yican el ba wintak, ta man ok e yikej in chekbanil c'al in ley max wak' e yikej, ta a bay comon dios ok ex oc yin ayilal, c'al e yaon oc e c'ul yin,

⁷ok ex wiel bay sat jun tx'otx' ak'bil wuj ayex ti', cax ok in cabc'ulnen el jun templo max a watx'nej aj ti', axa e buchlay yuj masanil nacionlak.

⁸A jun templo max occan wetok ti', caxc'al mi tol ochebil tinani', palta axa ok yun yet tu', a jantak mac ok ec' c'atan ti' ok camc'ul eb tzeyeni, cax ok yalon eb bay junjun: ¿Tzet yuj xan axca tu' max yut Jehová jun nación ti' c'al jun templo ti'? ẍixac'al mi eb.

⁹Cax ok tak'wok eb anima tu', ok yalon eb: Yujtol max yiel ba jun conob Israel ti' yintak Jehová is Diosal eb. A Cham max ion eltek is yichmam eb bay Egipto, axa pax comon dios max yaoc eb yin c'ul c'al yoc eb ayilal bay, yuj tu' xan max yitek Cham jun uchlejbail ti' yiban eb, ẍi mi eb, ẍi Cham.

¹⁰Junc'al wal abil max yak' Salomón watx'nen aj cab mimek na, a ton templo Jehová c'al yetok is yatut cham rey tu'.

¹¹A Hiram reyal Tiro max ak'on is teal juntzan tu' bay cham Salomón, a ton te c'ute' c'al te taj, yetokc'al jantak oro max k'anabax yuj. Lajwi tu' max yak'on cham rey Salomón, 20 conob ay yul makbej Galilea bay Hiram reyal Tiro.

¹²A yet max betic' cham Hiram yilon juntzan conoblak max yak' cham Salomón tu' bay, maj cha' c'ul.

¹³Max yalon axca ti': ¿Tzet laj conobal juntzan max ak' ayin ti', wuẍtak? ẍi. Yuj tu' xan a jun makan tx'otx' bay ay juntzan conob tu', max yak' yik Cabul, chi yal elapnok C'am Yopiso. Axca tu' is bi jun lugar tu' tinani'.

¹⁴A pax jantak oro max yak' Hiram bay cham rey Salomón xin, axca mi junok 90 quintal.

¹⁵Max yaoc cham rey Salomón eb yinatil eb cananeo yin mulnajil yin ak'bil puralil, a ton eb maj cam yuj eb israel yet max yioncan eb is tx'otx' eb cananeo tu', chi yal elapnok a ton eb amorreo, hitita ferezeo, heveo c'al eb jebuseo. Mosejaltoc'al yayji eb tinani'. A ton yuj is mulnajil eb max watx'nej cham Salomón templo c'al yatut. Max ca watx'nej c'apax aj eb anima tu' juntzan conob, a ton Hazor, Meguido, c'al Gezer. (A cham reyal Egipto maxax yak' owal yin conob Gezer tu', max ayc'ay yuj, max mak'on cam masanil anima cajan bay tu', max yak'on c'apax tz'a conob tu'. A jun conob tu' max sa' bay is cutz'in yet max nupay yetok Salomón, axa cham Salomón max ca watx'nen aj yuj is mulnajil eb cananeo tu'.) Ac'ala' yetok eb max ca watx'nen c'apax aj Salomón conob Beth Horón bay yalan; Baalat, c'al Tamar tol ay bay tz'inan tx'otx' yul yet Judá, yetok juntzan conob bay chi c'uay loj, yetok juntzan conob bay ay no chej chi oc yin carruaje yet owal. Max watx'nej c'apax eb juntzanxa tzetak yetal max yochej Salomón b(...)

²⁵Oxel max yak' cham rey Salomón xajanbal chi tz'a'i c'al xajanbal yet junc'ulalil yul junjun abil, bay altar max watx'nej aj bay Jehová. Max yak' c'apax tz'a incienso satak Jehová, yet max lajwi watx'ji el templo yuj.

²⁶Max yak' c'apax cham rey Salomón watx'nelay juntzan barco bay Ezion-geber. A tu' ay bay cawilal Elat, bay is tilak a' Cakyin Mar bay tx'otx' tx'otx' yet Edom.

²⁷A cham rey Hiram max chektek juntzan eb is mulnajwom, juntzan caw wal yojtak chi ec' yiban a' mar, max toj eb yul barco tu' yetok eb is mulnajwom cham rey Salomón.

²⁸Max apni oc eb bay Ofir, 310 quintal oro max yi' eb bay tu'. Max yiontek eb jun tu' bay cham rey Salomón.