Read Q'anjob'al 1 Cr 3 Bible Online

1 Cr 3 - Q'anjob'al bible

1 Cr 3

¹A eb c'ajol David max alji bay Hebrón: a jun babel a ton Amnón, is yune' xal Ahinoam aj Jezreel. Axa jun yet is cab, a ton Daniel, is yune' xal Abigail aj Carmel.

²Axa jun yet is yox, a ton Absalón, is yune' Maaca, a ton xal is cutz'in Talmai, is reyal Gesur. Axa jun yet is can, a ton Adonías is yune' xal Haguit.

³Axa jun yet is so', a ton Sefatías is yune' xal Abital. Axa jun yet is wak, a ton Itream yune' xal Egla, a ton junxa is yistzil cham David tu'.

⁴A bay Hebrón max yak' cham David reyal yin ukeb abil, yetok wakeb xajaw. A bay tu' max alji eb wakwan c'ajol cham ti'. Lajwi yak'on reyal bay tu', max yak'on pax 33 abil reyal bay Jerusalén.

⁵Axca ti' is bi eb c'ajol max alji bay Jerusalén tu': Simea, Sobab, Natán c'al Salomón. A eb canwan ti', yune' xal Betsabé, is cutz'in Amiel.

⁶Ayto balonwanxa is c'ajol cham David: a ton Ibhar, Elisama, Elifelet,

⁷Noga, Nefeg, Jafía,

⁸Elisama, Eliada, c'al Elifelet.

⁹A masanil juntzan ti', is c'ajolc'al cham rey David eb. A ix Tamar yanab c'apax eb. Ayto juntzanxa eb is c'ajol cham yetok juntzanxa eb xal ix yet is cab yistzil c'am chi binaj xol eb ti'.

¹⁰Axa eb yinatil Salomón yin txolilal: a ton Roboam, Abías, Asa, Josafat, Joram, Ocozías, Joás, Amasías, Azarías, Jotam, Acaz, Ezequías, Manasés, Amón, Josías.

¹⁵A is babel c'ajol Josías, a ton Johanán, yet is cab Joacim, yet is yox Sedequías, axa yet is can, a ton Salum.

¹⁶A eb rey maxto oc yintak Joacim: a ton Jeconías is c'ajol c'al Sedequías.

¹⁷A Jeconías max ilaytok preso, a is babel c'ajol a ton Salatiel,

¹⁸cax chi tit Malquiram, Pedaías, Senazar, Jecamías, Hosama c'al Medabías.

¹⁹Axa eb is c'ajol Pedaías tu', a ton Zorobabel c'al Simei. Axa eb is c'ajol Zorobabel: a ton Mesulam, c'al Hananías yetok c'apax Selomit is yanab eb tu'.

²⁰Ay c'apax owanxa is c'ajol: a ton Hasuba, Ohel, Berequías, Hasadías c'al Jusab-hesed.

²¹Axa eb is yinatil Hananías tu': a ton Pelatías c'al Jesaías. A eb is c'ajol Refaías: a ton Arnán, Abdías c'al Secanías.

²²Axa eb yinatil Secanías tu', a ton Semaías is c'ajol. Axa eb is c'ajol Semaías: a ton Hatús, Igal, Barías, Nearías c'al Safat, wakwan eb yin masanil.

²³Axa eb is c'ajol Nearías oxwan bey eb: a ton Elioenai, Ezequías c'al Azricam.

²⁴Axa eb is c'ajol Elioenai ukwan bey eb: a ton Hodavías, Eliasib, Pelaías, Acub, Johanán, Dalaías c'al Anani.