Read Q'anjob'al 1 Cr 4 Bible Online

1 Cr 4 - Q'anjob'al bible

1 Cr 4

¹A eb yinatil Judá: a ton Fares, Hezrón, Carmi, Hur c'al Sobal.

²A Sobal, a' ay is c'ajol Reaía; a Reaía, a' ay is c'ajol Jahat, axa Jahat, a' ay is c'ajol Ahumai c'al Lahad. A jun makan eb ti' zoratita c'al eb.

³Axa eb c'ajol Etam: a ton Jezreel, Isma, Idbas. Ay c'apax jun is yanab eb chi yik Haze-lelponi. A Penuel, a ton is yichmam eb aj Gedor, c'al Ezer, a ton is yichmam eb aj Husa. A ton juntzan eb ti' is yinatil Hur is babel yune' xal Efrata is yichmam eb aj Belén.

⁵Axa Asur, is yichmam eb aj Tecoa, cawan is yistzil cham: a ton xal Hela, c'al xal Naara.

⁶A xal Naara tu', a' ay is yune' Ahusam, Hefer, Temeni c'al Ahastari. A ton eb ti' is yinatil xal Naara.

⁷Axa eb yune' xal Hela: a ton Zeret, Jesoar c'al Etnán.

⁸A Cos, a' ay is c'ajol Anub c'al Sobeba, is yichmam c'apax eb is yinatil Aharhel, is c'ajol Harum.

⁹A Jabes, yelxac'al mimanbil yintak eb yuẍtak. A is txutx max ak'on yik Jabes, yujtol max yala': Yin wal yailal max yun yalji jun wune' ti', ẍi xal.

¹⁰A Jabes tu' max oc yin ayilal bay co Diosal ayon israel on ti', max yaloni: Chin tewi ayach Mamin, tol chak' a watx'c'ulalil wiban, chi wochej tol miman in tx'otx', chi wochej c'apax tol ayach oc wetok yin in a colon el bay yatakilal, yet watx' c'am chi wetnej in c'ul, ẍi yin is txaj. Max yak'on Dios masanil tzet yetal max k'an bay.

¹¹A Quelub is yuẍtak Súa, a' ay is c'ajol Mehir; axa Mehir, a' ay is c'ajol Estón.

¹²Axa Estón, a' ay is c'ajol Bet-rafa, Paseah, c'al Tehina. A Tehina ti' max tz'unon aj jun conob Nahas. A ton eb ti' cajyom bay Reca.

¹³Axa eb is c'ajol Cenaz: a ton Otoniel, c'al Seraías. Axa eb is c'ajol Otoniel: a ton Hatat,

¹⁴c'al Meonotai. A Meonotai, a' ay is c'ajol Ofra. Axa Seraías tu', a' ay is c'ajol Joab, a ton is yichmam eb cajyom bay jobeal Carisin. Caytu' yoc bi jun lugar tu', yujtol a eb anima cajyom bay tu', chi watx'nej eb juntzan tzetak yetal watx' yili.

¹⁵Axa eb c'ajol Caleb, is c'ajol Jefone: a ton Iru, Ela c'al Naam. Axa Ela a' ay is c'ajol Cenaz.

¹⁶Axa eb is c'ajol Jahaleel: a ton Zif, Sifa, Tirías c'al Asareel.

¹⁷Axa eb c'ajol Esdras: a ton Jeter, Mered, Efer, c'al yetok Jalón. A Mered tu' max nupay yetok Bitia, is cutz'in cham reyal Egipto. Axa eb yuninal: a ton María, Samai yetok Isba, a ton is yichmam eb aj Estemoa. Ac'ala' Mered tu', ay junxa yistzil, aj Judá xal. A ton eb is c'ajol yetok xal, Jered is yichmam eb aj Gedor, c'al Heber is yichmam eb aj Soco, yetok c'apax Jecutiel is yichmam eb aj Zanoa.

¹⁹A xal yistzil Hodías yanab Naham, a yuninal eb: a ton is mam Keila garmita, c'al is mam Estemoa maacateo.

²⁰Eb is c'ajol Simón: a ton Amnón, Rina, Ben-hanán c'al Tilón. Axa eb yinatil Isi: a ton Zohet c'al yetok Benzohet.

²¹Axa eb yinatil Sela, is c'ajol Judá; a ton Er is mam Leca, c'al Laada, a' ay is c'ajol Maresa, is yichmam eb chi mulnaj yin watx'nej lino bay Bet-asbea,

²²c'al Joacim, yetok eb cajyom bay Cozeba, c'al Joás c'al Saraf. A eb ti' max ec'lej eb yin yajawilal bay Moab. Lajwi tu' max meltzoj eb bay Belén, atac'ala' yalon eb ajtz'ib yet payxa.

²³A juntzan eb tu' tz'aklom eb. A tu' max cajay ec' eb bay Netaim, c'al bay Gedera, max ak'wi serbil eb bay cham rey.

²⁴A eb c'ajol Simeón: a ton Nemuel, Jamín, Jarib, Zera c'al Saúl.

²⁵A eb yinatil Saúl tu' yin txolilal: a ton Salum, Mibsam, Misma, Hamuel, Zacur c'al Simei.

²⁷A Simei, ay waklajonwan is c'ajol yetok wakwan is cutz'in. Axa pax eb yuẍtak xin, man wal xiwilok is yuninal eb, yuj tu' xan maj wal aj can bisil eb axca is yinatil Judá.

²⁸Max cajay ec' eb bay juntzan lugar ti': Beerseba, Molada, Hazar-sual,

²⁹Bilha, Ezem, Tolad,

³⁰Betuel, Horma, Siclag,

³¹Bet-marcabot, Hazar-susim, Bet-birai, c'al Saaraim. A ton juntzan ti' is conobal eb masantac'al yet max oc David yin reyal.

³²Ayto c'apax oyebxa is conob eb: a ton Etam, Aín, Rimón, Toquén c'al Asán,

³³yetokc'al masanil is yaldeail juntzan conoblak tu' masantac'al bay Baalat. A ton bay juntzan lugar tu' cajan eb, a ton is listail yinatil eb ti'.

³⁴A juntzan ok binaj ti', a ton eb ichmamej yayji bay junjun makan: Mesobab, Jamlec, Josías, is c'ajol Amasías, Joel, Jehú is c'ajol Josibías, is yitxiquin Seraías; a Seraías ti' is c'ajol Asiel, yetok c'apax Elioenai, Jaacoba, Jesohaía, Asaías, Adiel, Jesimiel, Benaía, c'al Ziza. A Ziza ti', is c'ajol Sifi yitxiquin Alón. A ton ti' c'ajol Jedaías, yitxiquin Simri; a Simri ti' c'ajol Semaías. A is yinatil eb, caw wal max aj can bisil,

³⁹xan max apni oc eb sayon ec' yac'un is calnel bay chon octok bay Gedor, bay yetc'ulal yayubc'ual jun jobe.

⁴⁰A bay tu' max ilchaj yax ac'un yuj eb, caw wal watx', xiwil an. Caw wal miman jun tx'otx' tu', junc'ulalxac'al yayji ec' eb, c'am tzet max on eb. A bay tu' max ec' cajan eb yinatil Cam yet yalantok.

⁴¹Axa pax yul is tiempoal cham rey Ezequías bay Judá xin, max jayoc juntzan mayal jak' binaj ti', max yak'on lajwok eb eb anima cajan bay tu', yetokc'al is campamento eb, c'al is na eb, max lajwi masanil. Axa eb tu' max cancan cajan bay tu', yujtol ay ac'un yet is jobbejal no' eb.

⁴²Yetok c'apaxok, ay junxa 500 eb winak yinatil Simeón max toj cajay bay siquilal tx'otx' yul yet Seir. A eb is c'ajol Isi a ton Pelatías, Nearías, Refaías, c'al Uziel ayoc yajawilalok eb.

⁴³A eb tu' max ak'on lajwok eb amalecita ayto can ec' bay tu'. Ataxc'al yet tu' max cajay ec' eb bay tu' masantac'al tinani'.