Read Q'anjob'al 1 Cr 7 Bible Online

1 Cr 7 - Q'anjob'al bible

1 Cr 7

¹A eb c'ajol Isacar canwan bey eb: a ton Tola, Fúa, Jasub c'al Simrón.

²A eb c'ajol Tola: a ton Uzi, Refaías, Jeriel, Jahmai, Jibsam c'al Semuel; a ton eb tu' yajaw yayji xol is yinatil Tola. A juntzan eb tu', caw wal jelan yin ak'oj owal. Yul is tiempoal cham rey David, a bisil eb tu', ay 22,600 eb yin masanil.

³Axa is c'ajol Uzi, a ton Israhías. Axa eb is c'ajol Israhías, a ton Micael, Obadías, Joel yetok Isías, owan eb yajaw yayji tu'.

⁴Xiwil yistzil eb, c'al yuninal eb, yuj tu' xan xiwilxa makquiltakil anima yin is yinatil, xan max waj ba jun miman bulan eb soldado; ay 36,000 eb tol caw wal jelan yin owal.

⁵A yin is listail eb winak yin junjun makan yin is tribual Isacar, ay 87,000 eb winak; a masanil eb tu', caw wal jelan eb yin owal.

⁶Oxwan bey eb c'ajol Benjamín: a ton Bela, Bequer c'al Jediael.

⁷A eb c'ajol Bela owan bey eb: a ton Esbón, Uzi, Uziel, Jerimot c'al Iri. Masanil juntzan tu', yajaw yayji eb yin makquiltakil yinatil eb, caw wal jelan eb yin ak'oj owal. Atac'ala' jantak max yun bischaji tol max ajapnok yin 22,034 soldado yin masanil.

⁸Eb c'ajol Bequer: a ton Zemira, Joás, Eliezer, Elioenai, Omri, Jerimot, Abías, Anatot, c'al Alamet.

⁹Atac'ala' max yun tz'ibchaj masanil yinatil eb tu' yin makquiltakil, xan ay 20,200 soldado.

¹⁰A is c'ajol Jediael a ton Bilhán. Axa eb is c'ajol Bilhán: a ton Jeúz, Benjamín, Aod, Quenaana, Zetán, Tarsis c'al Ahisahar.

¹¹Masanil juntzan ti', yinatil Jediael c'al eb, cax yajaw yayji eb xol makquiltakil yinatil, caw wal jelan eb yin ak'oj owal. Ay 17,200 soldado tol watx'xa yayji yet chi toj yin owal.

¹²Axa eb c'ajol Hir, a ton Sufam c'al Hufam. Axa is c'ajol Aher, a ton Husim.

¹³Eb is c'ajol Neftalí: a ton Jahzeel, Guni, Jezer c'al Salum. A ton juntzan ti' is yinatil Jacob yetok xal Bilha.

¹⁴Juntzan is c'ajol Manasés, yetok xal aj Siria is cab yistzil: a ton Asriel, c'al Maquir, is mam Galaad.

¹⁵A Maquir tu' max nupay yetok Maaca: a jun ix tu' max tit xol is yinatil Hufam c'al Sufam. Axa junxa is c'ajol Maquir, a ton Zelofehad. A jun tu', asan is cutz'in ay.

¹⁶Axa Maaca, yistzil Maquir ay cawan is winak unin, jun max yak' yik Peres, axa junxa max yik Seres; axa eb is c'ajol Peres max yik Ulam c'al Requem.

¹⁷Axa c'ajol Ulam, a ton Bedán. A ton juntzan eb ti' yinatil Galaad eb, c'ajol Maquir, yitxiquin Manasés.

¹⁸A yanab Maquir: a ton Hamolequet, a ton is txutx Isod, Abiezer c'al Mahala.

¹⁹Eb c'ajol Semida: a ton Ahián, Siquem, Likhi c'al Aniam.

²⁰Eb yinatil Efraín yin txolilal max beyc'altek, a ton Sutela, Bered, Tahat, Elada, Tahat, Zabad c'al Sutela. Ay cawanxa eb c'ajol Efraín, a ton Ezer c'al Elad. Max ayapnok eb yelk'anen is jobbejal no' eb cajyom bay Gat, xan max mak'lay cam eb yuj eb tu'.

²²A Efraín, is mam eb nak tu', caw wal max oc yin mimek cusc'ulal. Max jayoc eb yican ul mimanc'ulnenok.

²³Lajwi tu' max jay pax junxa yuninal cham Efraín tu' yetok yetbi, max yak'on yik Bería, yujtol max ec'tok jun miman cusc'ulal yiban eb.

²⁴A xal Seera, is cutz'in Bería, max watx'nej aj conob Bet-horón bay yalan, c'al Bet-horón bay yiban, yetok c'apax conob Uzen-seera.

²⁵A eb yinatil Bería, yin txolilal max beyc'altek: a ton Refa, Resef, Telah, Tahán, Laadán, Amiud, Elisama, Nun c'al Josué.

²⁸Axa is tx'otx'al eb bay cajan: a ton Betel, Naarán bay yetc'ulal yichcan, Gezer bay yetc'ulal yayub c'u, c'al Siquem masantac'al chi apni bay Ayah. A ton juntzan conoblak tu' yetokc'al is yaldeail max yi eb.

²⁹A yul makbej Manasés, a tu' ay conob Bet-Sean, Taanac, Meguido c'al Dor, yetokc'al yaldeail junjun. A Efraín c'al Manasés, c'ajol José eb. Yuj tu' xan, a eb max cajay bay juntzan lugar tu', yinatil José is c'ajol cham Israel eb.

³⁰Eb yuninal Aser: a ton Imna, Isúa, Isúi, Bería, c'al ix Sera is yanab eb.

³¹Eb c'ajol Bería: a ton Heber c'al Malquiel is mam Birsavit.

³²A Heber tu', a ton is mam Jaflet, Semer, Hotam c'al ix Súa is yanab eb.

³³Eb is c'ajol Jaflet: a ton Pasac, Bimhal, c'al Asvat.

³⁴Eb is c'ajol Semer, yuẍtak Jaflet: a ton Ahí, Rohga, Jehuba c'al Aram.

³⁵Eb c'ajol Helem yuẍtak Semer: a ton Sofa, Imna, Seles c'al Amal.

³⁶Eb is c'ajol Sofa: a ton Súa, Hernefer, Súal, Beri, Imra,

³⁷Beser, Hod, Sama, Silsa, Itrán c'al Beera.

³⁸Eb c'ajol Jeter: a ton Jefone, Pispa c'al Ara.

³⁹Eb c'ajol Ula: a ton Ara, Haniel c'al Rezia.

⁴⁰A masanil juntzan ti', yinatilc'al Aser eb, yajaw yayji eb xol is yican, caw wal jelan eb yin ak'oj owal, winak wal tol caw wal mimek yelapnok. Atac'ala' max yun tz'ibelayi, tol ay 26,000 soldado xol eb.