Read Q'anjob'al 1 Cr 9 Bible Online

1 Cr 9 - Q'anjob'al bible

1 Cr 9

¹Cayton tu' max yun tz'ibchaj can masanil eb israel bay yunal yet yabixal eb is reyal. Axa pax eb anima ay bay Judá xin, max ilaytok eb bay Babilonia yujc'al is yobtakilal eb.

²A eb israel max babji meltzojtek cajan bay is tx'otx'al, c'al bay is conobal, a ton eb sacerdote, eb levita c'al eb ak'om serbil bay templo.

³A bay Jerusalén max cajay eb yinatil Judá, Benjamín, Efraín c'al Manasés.

⁴A yin yinatil Judá tu' ay 690 eb winak yin masanil. A yin eb yinatil Fares, c'ajol Judá, a Utai ayoc yajawil xol eb. A jun tu' c'ajol Amiud, yetok c'apax juntzanxa eb yichmam yin txolilal: a ton Omri, Imri, Bani c'al Fares c'ajol Judá. A xol eb yinatil Sela, c'ajol Judá, a Azarías aj babel yayji xol eb, yajaw yayji xol masanil eb ay yuj ba yetok. A xol eb yinatil Zera, c'ajol Judá, a Jehuel ayoc yajawilal xol eb ay yuj ba yetok.

⁷A ton listail eb ayoc yin yajawilal xol eb yinatil Benjamín ti': a ton Salú, is c'ajol Mesulam, yitxiquin Hodavías, yinatil Asenúa; Ibneías, c'ajol Jeroham; Ela, yitxiquin Uzi, yinatil Micri; Mesulam, c'ajol Sefatías, yitxiquin Reuel yinatil Ibnías. Ay 956 eb winak yin masanil, atac'ala' tz'ibelay bay un.

¹⁰A eb sacerdote cajan bay Jerusalén, tol yajaw yayji xol eb ay yuj ba yetok: a ton Jedaías, Joiarib, Jaquín c'al Azarías, is c'ajol Hilcías. A eb yichmam Azarías tol binajbil: a ton Mesulam, Sadoc, Meraiot c'al Ahitob. A Azarías ti', yajaw yayji bay templo Dios. Ac'ala' a xol eb yajaw yayji tu', ay c'apax oc Adaía c'ajol Jeroham. A eb yichmam binajbil, a ton Pasur, c'al Malquías. A Masai, c'ajol Adiel, a eb yichmam binajbil, a ton Jazera, Mesulam, Mesilemit, c'al Imer. Ay 1,760 winak xol eb, caw wal chi je' yuj eb mulnaj bay yatut Dios.

¹⁴A eb yajaw yayji xol eb levita cajan bay Jerusalén: a ton Semaías c'ajol Hasub, yitxiquin Azricam, yinatil Hasabías c'al Merari;

¹⁵Bacbacar, Heres, Galal c'al Matanías, c'ajol Micaías yitxiquin Zicri, yinatil Asaf.

¹⁶Obadías, c'ajol Semaías, yitxiquin Galal, yinatil Jedutún. A Berequías, c'ajol Asa yitxiquin Elcana, a tu' max cajay ec' bay aldealak yet eb netofatita.

¹⁷Axa eb taynem puerta: a ton Salum, Acub, Talmón, Ahimán, yetok juntzanxa yican eb. A Salum tu', a' ayoc yajawilal xol eb.

¹⁸(Masantac'al tinani', chitoc'al taynelay puerta eb rey bay yetc'ulal yichcan yuj eb levita. A juntzan eb ti' ayoc yiban taynem ti' puerta xol eb yet levitail eb.

¹⁹A Salum is c'ajol Coré, yitxiquin Ebiasaf, yinatil Coré, yetokc'al juntzanxa eb yican, a eb tu' chi taynen bay puertail templo, axca max yun taynen yichmam eb puertail cajlobal Jehová yet payxa.

²⁰A yet yalantok a Finees, c'ajol Eleazar ayoc yajawilok eb; ayokabc'al watx'c'ulal Jehová yetok yinatil.

²¹Axa Zacarías, c'ajol Meselemías, a' chi taynen puertail mantiado bay chi co chalej co ba yetok Dios.

²²Ay 212 eb taynem puerta sic'bil el tu' yin masanil, tz'ibbibilcan eb atac'ala' is yinatil junjun bay cajan. A cham rey David, c'al cham Samuel tol chekbej Dios yayji. A eb max aon oc eb tu' yin ikbej miman yelapnok ti'.

²³A eb tu' chi ak'wi serbil yin txolilal yetokc'al eb is c'ajol taynen eb puertail yatut Dios, chi yal elapnok a ton is cajlobal.

²⁴Ayc'al oc taynemal puerta bay is can paq'uil: chi yal elapnok bay yetc'ulal yichcan, bay yetc'ulal yayubc'u, bay yetc'ulal norte, c'al bay yetc'ulal sur.

²⁵A eb yet levitail eb, cajan eb bay juntzanxa conob tu', chi ulic' eb yin colwaj taynen templo yin txolilal yin ukeb c'ual.

²⁶Ay canwan eb levita mimek yikbej. A eb tu' ayoc taynemalok juntzan cuarto c'uanbal templo yayji.

²⁷A yinlak templo tu' chi ec' ak'bal yuj eb yin tayneni; a eb inej oc llave yet chi jak eb templo yet junjun k'inibalil.

²⁸Ay eb levita ayoc yiban taynen mitx'k'abej ya'ilbil chi k'anlay yet chi oc mimek ayilal, yowalil chi yieltek eb c'al yaoncan octok eb, palta tol ibil cuenta eb yin.

²⁹Axa juntzanxa eb xin, chi ilon juntzanxa mitx'k'abej yet templo, yetok c'apax ixim harina, vino, aceite, incienso c'al perfume.

³⁰Palta ay eb sacerdote ayoc yiban yin watx'nen perfume tu'.

³¹Axa jun levita chi yik Matatías, is babel c'ajol Salum yin yinatil Coré, a jun tu' ayoc yiban watx'nen ixim pan chi oc yin ofrendail.

³²Axa juntzan eb yet levitail, eb yinatil Coat, a eb tu' ayoc yiban watx'nen ixim pan chi ay txolan sat meẍa yul templo yet junjun c'ual xewilal.

³³Ay c'apax eb yajaw yayji yin is yinatil eb levita tol chi bitni. A tu' cajan eb bay cuartolak yet templo tu', c'am chi yil eb juntzanokxa mulnajil, yujtol ayc'al oc eb yin yopiso tu' yet chi ec' c'u, c'al yet ak'balil.

³⁴A ton juntzan mayal binaj ti' yajaw yayji oc xol masanil yinatil eb levita, atac'ala' yayji oc listail eb yetok is yinatil, cajan eb bay Jerusalén.

³⁵A bay conob Gabaón, a tu' max cajay ec' Jehiel, a ton yichmam eb aj Gabaón tu', axa xal yistzil chi yik Maaca.

³⁶A eb is c'ajol: a ton Abdón babel, cax chi tit Zur, Cis, Baal, Ner, Nadab,

³⁷Gedor, Ahío, Zacarías c'al Miclot, a Miclot tu' a ton is mam Simeam.

³⁸A juntzan eb ti' max cajay c'apax ec' eb yetok eb yican bay Jerusalén.

³⁹A Ner, a' ay is c'ajol Cis, axa Cis a' ay is c'ajol Saúl, axa Saúl, a' eb is c'ajol: a ton Jonatán, Malquisúa, Abinadab c'al Es-baal.

⁴⁰A Jonatán a' ay is c'ajol Meri-baal is mam Micaía.

⁴¹Axa eb is c'ajol Micaía: a ton Pitón, Melec, Tarea c'al Acaz.

⁴²Axa Acaz a' ay is c'ajol Jara, axa Jara a' ay is c'ajol Alemet, Azmavet c'al Zimri. Axa eb yinatil Zimri yin txolilal: a ton Mosa,

⁴³Bina, Refaías, Elasa, c'al Azel.

⁴⁴Eb is c'ajol Azel, wakwan bey eb: a ton Azricam, Bocru, Ismael, Searías, Obadías c'al Hanán.