Read Q'anjob'al 2 Cr 16 Bible Online

2 Cr 16 - Q'anjob'al bible

2 Cr 16

¹A yet 36 abilxa yoc Asa yin reyal, max tit Baasa reyal Israel yak'on owal yin Judá. Ijanxac'al max cam watx'nen oc murallail conob Ramá, yet watx' c'amxa mac chi je' yoctek yul makbej Judá, tamwal yeltok.

²Yuj tu xin xan max yieltek cham rey Asa masanil ch'en oro c'al ch'en plata bay templo Jehová, c'al bay is despacho, axa yaontok bay Ben-adad reyal Siria, a tu' cajan bay Damasco. Cax max yalon c'apaxtok axca ti':

³Co watx'nej junok co trato etok, axca max yut ba eb co mam. A cayti' chi watok oro c'al plata. Ak' lajwok a trato yetok Baasa is reyal Israel, yet watx' chi yiel ba yak'on owal win, ẍitok cham Asa.

⁴Max cha c'ul rey Ben-adad tzet yetal max yal rey Asa, xan max chektok is comandante yetok eb soldado, yet chi toj yak' eb owal yin conoblak Israel. Caytu' max yun yayc'ay conob Ijón, conob Dan, conob Abelmaim, yetokc'al masanil conoblak yul yet Neftalí bay chi c'uay trigo.

⁵A yet max al-lay jun ti' bay cham Baasa, max bek watx'nen aj Ramá yuj toj colon is nación.

⁶Caytu' max yun yiontok rey Asa masanil eb yet Judá tu' yetok, max bet yiontek eb ch'en ch'en c'al te te' maxax wajbaj cham Baasa yuj watx'nen aj Ramá yaloni; axa yetok juntzan tu' max watx'nej aj conob Geba, c'al Mizpa.

⁷A yet jun tiempoal tu', max toj jun is chekbej Dios chi yik Hanani yilon rey Asa, max yalon bay axca ti': A eb soldado yet Siria mayal el eb yul a k'ab, yujtol a eb max aoc yipok a c'ul cax manak Jehová.

⁸¿Tom maj el xin, tol a eb etíope, c'al eb libio max wajbaj eb jun miman bulan soldado tol caw wal ay is may, yetok xiwil chej, c'al carruaje yet owal? Palta xin, a Jehová max aon oc eb yul a k'ab, yujtol a' ayoc yipok a c'ul.

⁹Yujtol chi yilc'al Jehová masanil tzet yetal chi uj bay yulyibank'inal ti', chi yak' tec'anil eb tol chi yawal oc c'ul yin sic'libil. Akxa tinani', a jun tzet max on tu', lajan wal axca chi yun junok tol c'am is nabal; yuj tu', a tinani' c'al yet ok beytok, xiwil owal ok ujok, ẍi bay.

¹⁰Axa rey Asa max tit wal yowal c'ul yin jun chekbej Dios tu', max chek yalay octok yul preso. Ac'ala', a yet jun tiempoal tu', caw wal max etax jaywanok eb bay yul conobal tu' yuj cham.

¹¹A is yabixal cham rey Asa, yettaxc'al yichbanil, masantac'al is lajubal, a tu' tz'ibbilcan bay yul tx'an un yet is yabixal eb reyal Judá, c'al eb reyal Israel.

¹²A yet 39 abilxa yoc yin reyal, max oc jun ilya' caw wal ow yin yakan, palta majc'al na ba c'ul yuj jun yailal tu', maj yaoc ba yul k'ab Jehová, palta a bay eb aj an max toji.

¹³A yet max tz'aknaj 41 abil yoc yin reyal, max cami,

¹⁴cax max muklay bay jun is mukbanil max chek watx'nelay bay conob David. Max yaon ay eb xiwil perfume yiban batxlubal is mimanil, yetok masanil pojanil tzet yetal tol suk'uk'ixac'al yoc jabil; caw wal watx'xac'al cawxi. Lajwi tu' max yaon oc eb jun miman k'ak' yuj tx'oxon el eb tol miman yelapnok yul sat eb.