Read Q'anjob'al Neh 10 Bible Online

Neh 10 - Q'anjob'al bible

Neh 10

¹A ton juntzan eb anima max yaoc is bi yin tx'an un max tz'ibelay tu'. Ayin Nehemías c'ajol in Hacalías, ayin ton gobernador wayji. Max yak' c'apax eb ti' is ti': a ton Sedequías,

²Seraías, Azarías, Jeremías.

³Pasur, Amarías, Malquías,

⁴Hatús, Sebanías, Maluc,

⁵Harim, Meremot, Obadías,

⁶Daniel, Ginetón, Baruc,

⁷Mesulam, Abías, Mijamín,

⁸Maasías, Bilgai, c'al Semaías. A ton juntzan eb ti' tol sacerdote yayji.

⁹Axa eb levita max yak' c'apax is ti' a ton: Josué c'ajol Azanías, Binuy is yinatil Henadad, c'al Cadmiel;

¹⁰yetok eb yet levitail, a ton: Sebanías, Hodías, Kelita, Pelaías, Hanán,

¹¹Micaías, Rehob, Hasabías,

¹²Zacur, Serebías, Sebanías,

¹³Hodías, Bani, c'al Beninu.

¹⁴A pax eb ayoc yin yajawil bay nación tu': a ton Paros, Pahat-moab, Elam, Zatu, Bani,

¹⁵Buni, Azgad, Bebai,

¹⁶Adonías, Bigvai, Adín,

¹⁷Ater, Ezequías, Azur,

¹⁸Hodías, Hasum, Bezai,

¹⁹Harif, Anatot, Nebai,

²⁰Magpías, Mesulam, Hezir

²¹Mesezabeel, Sadoc, Jadúa,

²²Pelatías, Hanán, Anaías,

²³Oseas, Hananías, Hasub,

²⁴Halohes, Pilha, Sobec,

²⁵Rehum, Hasabna, Maasías,

²⁶Ahías, Hanán, Anán,

²⁷Maluc, Harim c'al Baana.

²⁸Axa juntzanxa conob, a ton eb sacerdote, eb levita, eb taynem puerta, eb chi bitni, eb chi ak'wi serbil bay templo, yetokc'al masanil eb anima maxax pojil ba xol eb tx'ok conobal bay juntzan lugar tu' yet chi yikej eb ley Dios, max yak' eb is ti' yetok yistzil, yetok c'ajol, c'al yetok cutz'in, eb ayxa is nabal.

²⁹Max wajban oc ba eb yetok yican c'al yetok eb yajaw, max yak'on eb ti' yunen axca yalon ley Dios albil yuj cham Moisés is chekbej. Max yalon eb tol ok yikej eb wal yin watx' is chekbanil c'al ley Jehová Cham Jajawil.

³⁰Yuj tu' majxa jak' c'apax co cutz'in yin nupayil yetok eb tx'ok conobal, tamwal ok co cha c'apax nupay is cutz'in eb yetok eb co c'ajol.

³¹Ta chi jayoc eb tx'ok conobal ul txonon masanil pojanil sat yawoj yet c'ual xewilal, man ok co man bay eb jabok, a ton yet c'ual xewilal c'al yet juntzanxa c'ual k'in. Yet is suk abil ok cancan tx'otx' tx'otx' xewok, cax ok jak'on tan jec eb jequelwom ayon.

³²Yetok c'apaxok ok jaoc jiban tol ok jak' caneb gramo*fn* ch'en plata junjun on yin junjun abil yet chi oc gastook templo co Diosal.

³³A ton yuj ixim pan chi ak'layi, c'al ofrenda yet junjun c'u, yetok ixim trigo, yetok xajanbal chi ak'lay tz'a junjun c'u, yetok xajanbal yet c'ual xewilal, c'al yetok yet unin xajaw, c'al yetok juntzanxa k'in chi ec'c'alta' junjun abil. Yetokc'al juntzanxa ofrenda, yetok c'apax xajanbal yuj yak'lay tan co mul ayon israel on ti', c'al yuj joc ayilal bay templo co Diosal.

³⁴Yetok c'apaxok max jaoc suerte jin yin junjun makan jinatil, caxc'al sacerdote on, ma levita on, ma comon anima on, yet watx' chi jila' tzet tiempoal yet junjun abil ok jak' te si' yet templo co Diosal, yet chi tz'a te' bay altar yet Jehová co Diosal axca tz'ibelaycan bay ley.

³⁵Yetok c'apaxok max jak' co ti' tol ok jitok co babel sat awoj chi el bay co tx'otx' c'al babel sat co te' awbil yet junjun abil bay templo co Diosal.

³⁶Cax ok jion c'apaxtok eb co babel c'ajol c'al babel yune' co wacax, c'al co calnel, bay is templo co Diosal satak eb sacerdote chi ak'wi serbil bay tu' axca wal tz'ibelaycan bay ley.

³⁷Max jak'on c'apax co ti' tol ok jitok bay c'uanbal yet eb sacerdote co colwal, a ton ixim co babel harina c'al babel sat co awbejal te', yetok c'apax co babel vino c'al babel aceite. Cax ok jiontok bay eb levita is diezmoal sat jawoj, tutun tol a eb chi chaon diezmoal tzet chi ji' bay co tx'otx' bay junjun conob bay chon mulnaji.

³⁸A yet ok tok eb levita chaoj diezmo tu', yowalil chi toj junok sacerdote is yinatil Aarón yetok eb. Axa eb levita tu' ok iontok bay c'uanbal templo co Diosal is diezmoal diezmo chi cha eb.

³⁹Yujtol ayon israel on ti' c'al eb levita ok jitok waj trigo, yetok vino, c'al aceite, bay c'uanbal, a ton bay ayic' masanil tzet yetal yet templo, a ton bay tu' ayic' eb sacerdote ayoc yin opiso, eb taynem puerta, c'al eb chi bitni. Caywal tu' chi yun jak'on co ti' tol man ok co bekcan is templo co Diosal.