Read Q'anjob'al Neh 7 Bible Online

Neh 7 - Q'anjob'al bible

Neh 7

¹A yet max watx'ji el muralla tu xin, c'al watx'ji oc is puertail, max waon oc eb taynem puertail templo, eb chi bitni c'al yetok juntzanxa eb levita.

²Max waoc cawan eb ti' yin ikbajwomal yin conob Jerusalén, a ton wuẍtak Hanani c'al Hananías tol comandante yayji bay cuartel yet Jerusalén. Asannej oc jun tu' caw wal tol miman yelapnok yul sat anima, caw wal miman c'apax yelapnok Dios yul sat.

³Max waloni tol ato yet canxa c'u, catatu' chi jakay puertail Jerusalén, axa yet yayc'ualil caw wal watx' chi yun makayi, yet c'amto chi el eb taynem puerta tu'. Max waon c'apax oc jaywan eb cajyom bay Jerusalén yin tayneni, ay mac txequelnej bay chi taynej, ay pax mac xin, chi taynej bay cawilal is yatut.

⁴A jun conob ti' caw wal miman yayji ocok, palta txennej anima cajanxa ec'ok, yujtol c'amtoc'al chi ca watx'nelay aj nalak.

⁵Axca tu xin, a Dios max ak'on wunej max in wajban oc masanil eb winak tol mimek yelapnok, eb yajaw yayji xol conob tu', yetok eb c'am ikbej ayoc yiban, yet chi tz'ibelay eb yul libro atac'ala' yichmam eb, cax max ilchaj c'apaxtek tx'an un bay tz'ibbilcan yichmam eb tol ayxatax meltzojtek, a ton bay tu' tz'ibbil axca ti':

⁶A ton is listail eb yinatil eb titnak bay Judá ti': a ton eb max ilaytok yuj Nabucodonosor, reyal Babilonia. Max lajwi tiempoal ayic' eb yin presoal bay tu', max meltzojtek eb bay Jerusalén c'al bay juntzanxa lugar yul yet Judá, junjunc'al max apni oc bay is conobal. Ikbabil eb yuj eb cham ti': a ton Zorobabel, Josué, Nehemías, Azarías, Raamías, Nahamani, Mardoqueo, Bilsán, Misperet, Bigvai, Nehum c'al Baana.

⁷

⁸A eb yinatil Paros, 2,172 eb.

⁹A eb yet Sefatías 372 eb.

¹⁰A eb yet Ara, 652 eb.

¹¹Eb yet Pahat-moab, a eb tu' yinatil Josué eb, c'al yinatil Joab, 2,818 eb.

¹²Eb yet Elam, ay 1,254 eb.

¹³Eb yet Zatu, 845 eb.

¹⁴Eb yet Zacai, 760 eb.

¹⁵Eb yet Binuy, 648 eb.

¹⁶Eb yet Bebai, 628 eb.

¹⁷Eb yet Azgad, 2,322 eb.

¹⁸Eb yet Adonicam, 667 eb.

¹⁹Eb yet Bigvai, 2,067 eb.

²⁰Eb yet Adín, 655 eb.

²¹Eb yet Ater, a ton eb yinatil Ezequías, 98 eb.

²²Eb yet Hasum, 328 eb.

²³Eb yet Bezai, 324 eb.

²⁴Eb yet Arif, 112 eb.

²⁵Eb aj Gabaón, 95 eb.

²⁶Eb aj Belén c'al eb aj Netofa, 188 eb.

²⁷Eb aj Anatot, 128 eb.

²⁸Eb aj Bet-azmavet, 42 eb.

²⁹Eb aj Quiriat-jearim, Cafira c'al Beerot, 743 eb.

³⁰Eb aj Ramá c'al eb aj Geba, 621 eb.

³¹Eb aj Micmas, 122 eb.

³²Eb aj Betel c'al eb aj Hai, 123 eb.

³³Eb aj yet is cab Nebo, 52 eb.

³⁴Eb aj yet is cab Elam, 1,254 eb.

³⁵Eb aj Harim, 320 eb.

³⁶Eb aj Jericó, 345 eb.

³⁷Eb aj Lod, Hadid c'al Ono, 721 eb.

³⁸Eb yet Senaa, 3,930 eb.

³⁹Axa jun makan eb sacerdote yinatil Jedaías, yinatil c'apax Josué, 973 eb.

⁴⁰Eb yinatil Imer, 1,052 eb.

⁴¹Eb yet Pasur, 1,247 eb.

⁴²Eb yet Harim, 1,017 eb.

⁴³Axa eb levita yinatil Josué c'al Cadmiel, a juntzan eb tu' yinatilto c'apax Hodavías, ay 74 eb.

⁴⁴Axa eb yinatil Asaf, eb chi bitni, ay 148 eb.

⁴⁵Axa eb taynem puerta, yinatil Salum eb, eb yet Ater, eb yet Talmón, eb yet Acub, eb yet Hatita c'al eb yet Sobai, ay 138 eb yin masanil.

⁴⁶Axa eb max ak'wi serbil bay templo, a ton eb yinatil Ziha, eb yet Hasufa, eb yet Tabaot,

⁴⁷eb yet Queros, eb yet Siaha, eb yet Padón,

⁴⁸eb yet Lebana, eb yet Hagaba, eb yet Salmai,

⁴⁹eb yet Hanán, eb yet Gidel, eb yet Gahar.

⁵⁰Eb yet Reaía, eb yet Rezín, eb yet Necoda,

⁵¹eb yet Gazam, eb yet Uza, eb yet Paseah,

⁵²eb yet Besai, eb Neunim, eb Nefusim,

⁵³eb yet Bacbuc, eb yet Hacufa, eb yet Harhur,

⁵⁴eb yet Bazlut, eb yet Mehida, eb yet Harsa,

⁵⁵eb yet Barcos, eb yet Sísara, eb yet Tema,

⁵⁶eb yet Nezía c'al yetok eb yet Hatifa.

⁵⁷Axa eb yak'omal serbil Salomón, a ton eb yinatil Sotai, eb yet Soferet, eb yet Peruda,

⁵⁸eb yet Jahala, eb yet Darcón, eb yet Gidel,

⁵⁹eb yet Sefatías, eb yet Hatil, eb yet Poqueret-hazebaim c'al eb yet Amón.

⁶⁰A masanil eb max ak'wi serbil bay templo c'al eb yinatil eb yak'omal serbil Salomón ay 392 eb yin masanil.

⁶¹A eb max tit bay Tel-mela, bay Tel-harsa, bay Querub, bay Adón, c'al bay Imer, maj je' tx'oxon el ba eb tatol Israel eb yuj yinatil, a ton eb ti':

⁶²Eb yinatil Delaía, eb yet Tobías, c'al yetok eb yet Necoda. A eb tu' ay 642 eb.

⁶³Eb yican ba yetok eb sacerdote, a ton eb ti': Eb yinatil Habaía, eb yet Cos, c'al eb yet Barzilai, a ton jun tu' max nupay yetok cutz'in Barzilai aj Galaad, xan a bi is ni' tu' max yikcan ajok.

⁶⁴A eb tu' max say yil eb is bi tu' bay yul libroal bay tz'ibbilcan bi eb ichmamej, palta maj ilchaj yuj eb bay tu', caytu' max yun yilay el eb yin sacerdoteal.

⁶⁵Max yalon cham gobernador tol c'am chi je' loon eb ixim pan tol yet Dios yayji ocok, masantac'al ok yal yilon junok sacerdote yin Urim c'al yin Tumim tatol yel yinatil Aarón eb.

⁶⁶Ay 42,360 eb anima tu' yin masanil.

⁶⁷C'amoc eb nak chekbej c'al eb ix chekbej tz'akilok. A eb tu' ay 7,337 eb yin masanil. Ay c'apax 245 eb winak c'al eb ix chi bitni.

⁶⁸Ay c'apax 736 no caballo, 245 no mula,

⁶⁹ay 435 no camello c'al yetok 6,720 no burro.

⁷⁰Ay juntzan eb yajaw yayji xol yican max yak' eb sabalej yuj watx'jubal templo. Max yak' cham gobernador bay tesorería 16 libra ch'en oro, yetok 50 mimek sec' c'al yetok 530 an pichilej yet eb sacerdote.

⁷¹C'al juntzanxa eb yajaw yayji xol yican max yak' eb bay tesorería 337 libra ch'en oro c'al yetok 3,215 libra ch'en plata.

⁷²Axa janic'okxa eb conob max yak' eb 337 libra ch'en oro, 24 quintal ch'en plata, c'al yetok 67 an pichilej yet eb sacerdote.

⁷³A eb sacerdote yetok eb levita, eb taynem puerta, eb chi bitni, c'al yetok masanil eb anima ay bay conob tu', eb chi ak'wi serbil bay templo, c'al yetok masanil eb israel max watx'nej ay cajan ba eb bay yulak is conobal, ẍi yul tx'an tu'.