Read Q'anjob'al Est 5 Bible Online

Est 5 - Q'anjob'al bible

Est 5

¹A yet max lajwi ec' oxeb c'ual tu xin, max watx'nen ba Ester, max yaon oc is pichil yet is reinail, cax max octok bay yul is ti' despacho cham rey bay yetc'ulal puertail bay chotan eltek cham, yul is trono.

²A yet max yilon eltek cham tol ayic' Ester bay ti' is despacho, cax max tx'oxon cham tol ay is tzalojc'ulal yin, max yaon eltek is k'okoch tol oro. Max jitzontok ba Ester, max bet oc matxan yin jun is k'okoch tu'.

³Cax max k'anlen cham bay reina Ester axca ti': —¿Tzet chach on reina Ester? ¿Tzet wal chi yochej a c'ul? Ta chi yochej a c'ul cha k'an nanok in makbej ti', chi je' wak'on ayach, ẍi cham. Cax max tak'wi Ester axca ti':

⁴—Ta wal chi cha a c'ul mamin rey, ay jun miman loj max wak' watx'jok tol chach tit low tinani' yetok cham Amán, yuj miman elapnok yul in sat, ẍi xal. Axa yalon cham axca ti':

⁵—Awtejek Amán yin aymanil, tol chi ikelay masanil tzet chi yochej xal reina Ester, ẍi cham. Yuj tu xan max toj cham rey yetok cham Amán bay jun miman loj max watx'nej xal Ester tu'.

⁶A yet lanan yuq'uen eb vino max yalon cham rey bay xal axca ti': —K'an masanil tzet chi yochej a c'ul ayin, ok wak' ayach, caxc'al cha k'an nanok in makbej ti' chi je' wak'on ayach, ẍi cham.

⁷Cax max yalon Ester axca ti': —Tix wal wochwan chin k'an ayach ti':

⁸Ta wal ay a camc'ulal win mamin rey, cax bekan a c'ul ak'on tzet chin k'ana', chaokab a c'ul chach tit pax low junelxa yet yecal yetok cham Amán ti', tol ok in chek watx'nelay junokxa loj, yujtol caw wal miman elapnok yul in sat, catatu' bian, a yet yecal tu', ok walon tzet chi yochej in c'ul ayach mamin rey, ẍi xal.

⁹Caw wal max tzaloj cham Amán yet max eltek bay max oc loj tu', palta a yet max il-lay oc cham Mardoqueo yuj, tol ayic' bay puertail is despacho cham rey, max tit yowal yujtol a yet max eq'uel bay tu', maj aj wan cham tu', tamwal yay nojan bay yet max eq'uelok.

¹⁰A yet jun bek tu' majto tx'oxil is chichonc'ulal, toc'al max pax bay yatut, cax max yawten yistzil, a ton xal Zeres yetokc'al eb yamigo.

¹¹Max c'oli yalon bay eb yujtol yelxac'al miman yayji oc is beyomal, c'al yujtol xiwil yuninal, yetok c'apaxok tol max sic'lay wal el yuj cham rey xol juntzanxa eb ay yikbej yetok, cax max ak'lay wal yikbej yin sat yajawil yintak eb tu'.

¹²Max yalon wal janic'xa axca ti': —Yetok c'apaxok, asannej in wal max in awtelay low yetok cham rey bay jun miman loj max watx'nej xal reina Ester, cax awtebil in low junelxa yetok cham rey yet yecal yin junxa miman loj ok yak' xal bay cham rey tu'.

¹³Palta a wal yet chi wilon oc jun israel chi yik Mardoqueo chotan ay bay puertail is despacho cham rey tu', a masanil juntzan ay ayin tu', c'amxa yelapnok jabok yul in sat, ẍi Amán.

¹⁴Yuj tu xin, xan max yal yistzil tu' c'al eb is yamigo tu' bay axca ti': —Ala' tol chi watx'nelay junok te te' tol jun tx'anil chi yun is tel. Cha k'anon bay cham rey yet yecal k'inibalil tol chi aj locan jun Mardoqueo tu' yin te', yet watx' yinxac'al tzalojc'ulal chi yun a toj bay jun miman loj tu' yetok cham rey, ẍi eb. A jun nabalej tu' caw wal max cha c'ul cham Amán, cax max chekon watx'nelay jun te' tu' axca yalon eb.