Read Q'anjob'al Job 2 Bible Online

Job 2 - Q'anjob'al bible

Job 2

¹A yet max apni oc c'ual yet chi oc eb chekbej Jehová tol yin esalil ay bay satcan tu' is satak, max apni c'apax oc Satanás xol eb.

²A Jehová max k'anlej bay: —¿Baytal petoj ach? ẍi bay. Max tak'wi Satanás tu' bay axca ti': —Max in tit bay yulyibank'inal bay chi ec' woymanej masanil sat tx'otx' tx'otx', ẍi.

³Catatu' max yalon Jehová bay: —¿Max mi el yin Job in chekbej? C'am junokxa bay sat tx'otx' tu' axca wal jun tu', caw wal tojol, watx' is beybal, ay welapnok yul sat, chi taynej ba, maj yatok ba xol yobtakil. Oj wali xan max wak' lajwok masanil tzet yetal ay bay yin tol c'am tzet yujal, palta tokwal yuj tu' max yetnejtok is nabal, ẍi Jehová.

⁴Palta max tak'wi Satanás tu' bay Jehová axca ti': —Tatol c'am chi tenlay wal is mimanil junok, watx'toc'al is nabal. Bekan c'ul anima chi lajwi masanil is tzetak yetal yuj coloncan el is cawil.

⁵Palta ta cha tenwal is mimanil tu' tinani', cax ok eloni tatol man ok ach buchlay yuj, ẍi Satanás.

⁶Max tak'wi Jehová bay Satanás tu': —Yunokab xin, chi je' cha na tzet chon yetok is mimanil, asan tol c'am alon et ak'on camok, ẍi Cham.

⁷Caytu' max yun yel Satanás tu' satak Jehová, max yaon oc jun yabil yelxac'al yob yin is mimanil cham Job, max tojtac'al bay yin is yakan masantac'al bay is jolom.

⁸Yuj tu xin, max toj ay chotan cham Job bay xol tik'ak'il tan, max yion aj jun bijan pojilal xij yet chi txaloc yin.

⁹Palta axa xal yistzil cham xin, max alon bay axca ti': —¿Tom chi yochej a c'ul tol watx'toc'al chot a nabal? Buchwajan can yin Dios cax chach camxac'al, ẍi xal.

¹⁰Max tak'wi cham Job: —Ach ix, lajan wal a k'anjab axca eb ix ix c'am yelapnok Dios yul sat. Tol max co cha' watx'ilal bay Dios, ¿tom man ok co cha pax yatakilal bay? ẍi cham. Axca tu xin, caxc'al mi xiwil yatakilal, majc'al oc mul cham Job yin is k'anej.

¹¹A tinani xin, a cham Job ay oxwan yamigo: a ton Elifaz cajan bay Temán, yetok Bildad cajan bay Súa, c'al yetok Zofar cajan bay Naamat. A yet max yaben eb masanil juntzan yatakilal max jayoc yiban cham Job tu', a ton yet tu' max lajtinej eb toj yiloni, yuj tx'oxon eb cusc'ulal yetokc'al mimanc'ulnelay yuj eb.

¹²Najatto wal yapni oc eb, max yilontok eb cham Job tu', puralxac'al max nachaj el cham yuj eb, xan max aj yaw eb yok'ajok. Caw wal max oc eb yin cusc'ulal, max tzilontok eb is pichil, max tiẍon aj eb pokok can max ayc'ay yiban jolom eb.

¹³Yinxac'al aymanil max ay chotan eb sat tx'otx' yetok cham, ukeb c'ual c'al ukeb ak'bal max ayji ec' eb bay tu', c'amc'al junok belan k'anej max yal eb, yujtol caw wal ow yet cham Job tu' max yiloc eb.