Read Q'anjob'al Job 33 Bible Online

Job 33 - Q'anjob'al bible

Job 33

¹Yuj tu' mamin Job, ab in k'anej, taynej ab tzet ok wal xin;

²yinxac'al txam wak' ayic' paktzebalej.

³Ayin ti' yelc'al tzet ok wal ayach, ok wal tzet yetal tol nabil wuj.

⁴A Dios, Cham tol chi je' yuj masanil, a' max in watx'neni, max yaon oc is cak'ek' win.

⁵Ta chi je' oj, tak'wan ayin; na tzet chi yun a teyelen a ba wetok.

⁶Lajan achc'al wetok satak Dios; ayin ti' yin c'apax tx'otx'ej max in watx'nelayi.

⁷Yuj tu' xan maj je' tol ok ach in xibtej, maj je' yaynakil ok ach wutej.

⁸Cochwal axca ti' max yun waben aloni:

⁹Ayin ti' watx' in, c'am in mul, c'am wal jabok in paltail, tamwal in yobtakil.

¹⁰Palta a Dios chi sayon tzet wal chi yun wak'lay queja, cax chin yuten axca junok is yajc'ul.

¹¹Max yaoc cadena yin wakan, cax ayc'al oc sat win yet chin beyi, cachi.

¹²A jun k'anej axca tu' man watx'ok, yujtol a Dios caw wal miman yayji oc jintak ayon anima on ti'.

¹³¿Tzet yuj xan chach alxi aj yin Cham yujtol c'am chi yal Cham tzet lanan yuneni?

¹⁴A Dios xiwilxa makanil tzet chi yut k'anjab ba, palta ayon ti' c'am chi nachaj el juj.

¹⁵Ay bay chi k'anjab yet ak'balil, yin junok wayichejal ma yin junok ilwalil, a ton yet mayal wayaj junok mactxel.

¹⁶A yet waynak eb tu' chi k'anjab Cham yin is nabal, yet watx' chi yun cancan cuybanil tu' bay eb.

¹⁷Axca tu' chi yunej yet watx' chi yiel ba eb anima yin is yobtakil, yet c'am chi yiaj can ba eb.

¹⁸Caytu' chi yun colchaj el eb bay camich yet watx' c'am chi c'aylay el eb.

¹⁹Ay c'apax bay xin, chi yak' cuenta Dios eb anima yetok ilya', yetok wal mimek yailal yin is mimanil.

²⁰A masanil is lobej, toltax juntzan caw wal watx', chi yaja'.

²¹Axa is chibejal lanan lajwi ayok, lananxa txecloj is bakil.

²²A jun tu' lananxa tojcan bay mukbanil camnak; ayxa ec' bay puertail camich.

²³Palta ta a junok eb chekbej Dios xol eb xiwil is bisil tu' chi apni bay jun winak tu' cax chi yalon bay, tzet yetal moj chi yunej,

²⁴cax chi yala' tol a Dios mayal ok' c'ul yin, max colcan el yul k'ab camich, yujtol txequel mactxel ok manon canelok.

²⁵Axca tu xin a is mimanil tu' ok watx'jok pax junelxa, ok meltzoj pax axca yet max yak'on ach'ejal.

²⁶A yet ok tewok bay Dios, ok tx'ox Cham watx'c'ulal bay. Yin wal tzalojc'ulal ok yun yilon yin sat Dios, axa Cham ok aon oc yin watx'c'ulalil yetok junelxa.

²⁷Ok yalon satak eb anima: Max oc in mul, max wun tzet yetal man tojolok, palta a Dios maj yak' yailal wiban axca is mojalil,

²⁸akxa xin, tol max in col-lay el yuj bay camich, ti wal lananto wilon sakk'inal, ẍi.

²⁹Axca tu' cayel oxelc'al chi utlay eb anima yuj Dios,

³⁰yuj col-lay el eb yuj bay camich, cax chi yilonc'al can sakk'inal yuj Cham.

³¹Ab wal tzet ok wal xin, mamin Job; tz'inc'al cachi yak'ban chin k'anjabi.

³²Ta ay janic'ok tzet chi yochej a c'ul chala', tak'wan ayin. Chi wochej tol chach can yin watx'il.

³³Tatol c'am tzet chal xin, taynej ab tzet ok wal ti', ok ach in cuy wal yin jelanilal, ẍi Eliú.