Read Q'anjob'al Job 7 Bible Online

Job 7 - Q'anjob'al bible

Job 7

¹A mac on ayon ec' sat tx'otx' ti', lajan yatakilal chi jil axca junok soldado ma axca junok mosejal,

²axca junok chekbej tol chi yochej chi ay numumok, axca wal junok mulnajwom tol chi ispay aj yechbanen is tojol.

³Yinxa xajawilal max in ayji ec' yin tol c'am tzalojc'ulal, junjun ak'bal ayinc'al oc yin yailal.

⁴A yet chin aj telanok, caw wal miman yul ak'bal chi wabej. Caw wal chin c'unbitok in meltzojtakbi masantac'al yet chi sakbi, cax chin naoni: Janic' wal ok in aj wan, quin chi.

⁵Caw wal tol nojnak el in mimanil ti' yuj patz cax tol chi el lec'labok sat in yabil, caw wal chi el pojowal in yabil tu'.

⁶Lananxa jayoc c'ananok lajubal in k'inal axca yec' julnak junok julbal eb chemwom; c'amxa tzet yetal ayoc yipok in c'ul.

⁷Natek xin ach Dios, tol a wiquisal ti', lajan wal axcac'al junok ioj cak'ek'al, tok ayto bak'in ok wil tzalojc'ulal cayti'.

⁸A mac chin ilon tinani' manxa ok in yila'. Ok in is sayic'ok palta c'am inxa ec'ok.

⁹Axca wal yec' lananok asun cax chi c'ayajok, caytu' chi yuncan junok mactxel chi aytok bay mukbanil camnak: C'amxa yechel chi meltzojtek bay tu', ok tokcan c'ayc'ulal yuj eb tol ayto yuj ba yetok.

¹¹Yuj tu' xan man ok in tz'injok. Yuj in somc'ulal c'al yuj in k'ak'alc'ulal man ok oc wanaj in k'anjabi.

¹²¿Tom lajan in axca junok no lagarto chi ec' bay yul a' chin ela', xan tol chin a taynejxac'al?

¹³A yet chin naoni tol ok in xew wal janic'ok bay in tx'at, cax ok oc numan in yailal yuj chin way janic'ok,

¹⁴caw wal chin xiw pax aj yuj in wayich chak'a'.

¹⁵Yelxac'al mi watx' tol chin sut'lay camok; chi wochejxac'al chin cami.

¹⁶C'amxa chi je' wuj, c'amxa chi wochej chin iquisbic'al ec'ok. Manchakxa quin etnej, yujtol a wiquisal ti' axcac'al junok ioj cak'ek'al.

¹⁷¿Tzet wal jelapnok ayon anima on ti', xan mimanxac'al chon ot eon can? ¿tzet yuj xan chach ocxac'al il juj?

¹⁸¿Tzet yuj xan chon a taynej yet chi ec'c'al c'u, cax chon ak'onc'al porobal yin junjun bek?

¹⁹¿Tzet yuj xan tol c'am cheil a sat win, yet watx' chi je' wal in buk'on aytok jabok in tzub?

²⁰Ta chi oc in mul ¿tom chab yail yuj, ach tol taynemal anima ayji? ¿tzet yuj xan tol chin a wal oc satak a julbal? ¿Tom lajan in axca junok ikatz ayach?

²¹¿Tom c'amxac'al chak' mimanc'ulal yiban in mul xin? ¿tom c'amxac'al chak' tan in yobtakil max oqui? Toxa wal chin toj aytok telan xol pokok; ok in a sayic'ok, c'am inxa ec'ok, ẍi cham Job.