Read Q'anjob'al Sal 101 Bible Online

Sal 101 - Q'anjob'al bible

Sal 101

¹A ton bit David ti' Chin bitni yuj a camc'ulal c'al yuj a tojolal. Ach Jehová, chach in bitnej.

²Chi yochej in c'ul chin beybalnej tojolal. ¿Bak'in ok ach jay ayin? C'am jabok yob ok al-lay yin in beybal, tamwal bay watut, c'am tzet yetal.

³C'am bak'in ok in tok t'anan yin yob nabalej. C'am chi wochej eb yob yak'on yetok Dios. C'am bak'in tol ok in cha' jay eb in c'atan.

⁴Najattac'al ok wacantok eb yob is nabal, c'am chi yal in c'ul chin oc yetok yobtakil.

⁵Ok wak' tz'injok juntzan eb chi yal k'umal is vecino yin ewantakil. Man ok techaj wuj mac chi mimanej ba.

⁶Ok wil mactxel eb ikem cajan ec' bay tx'otx' tx'otx' ti', yet watx' chi cajay eb wetok. Asan eb watx' beybal ok oc in chekbejok.

⁷Maj je' yayji eb etnem anima bay in despacho, maj je' yayji ec' junok naom aj k'anej in satak.

⁸Junjunc'al c'u ok wak' c'aycan el eb yobtakwom cajan sat co tx'otx' ti', ok wak' lajwok el masanil eb unem yobtakil yul a conob, Mamin Jehová.