Read Q'anjob'al Sal 126 Bible Online

Sal 126 - Q'anjob'al bible

Sal 126

¹Bit yet chi ajtok eb israel bay Jerusalén. A wal yet max q'uexon el Jehová tzet ayoc yiban Sión, axca tol co wayich max jut jiloni.

²Cata wal tu' bian, max jakon wal co nabal co tzewi, cax max el jaw yin tzalojc'ulalil. Xan max yal eb tx'ok conoblak: A Jehová max ak'on mimek watx'c'ulalil bay eb, ẍi eb.

³Yel toni, a Jehová max yak' mimek watx'c'ulalil ayon, a' xan ayon oc yin tzalojc'ulalil.

⁴Mamin, ak' a watx'ilal jiban junelxa, axca wal chi yun yaxbi sat tx'otx' tx'otx' yuj elom a' bay Néguev.

⁵A eb chi awwi yin ok'ilal, ok waj eb sat awoj yin tzalojc'ulal.

⁶Caxc'al mi chi ok' eb yet chi yawon eb inat ochebil, axa yet ok elol ixim trigo, bit-xac'al ok yun eb yuj tzalojc'ulal, yujtol mek'bilxa oc ixim yuj eb.