Read Q'anjob'al Sal 127 Bible Online

Sal 127 - Q'anjob'al bible

Sal 127

¹Bit yet Salomón chi bitnelay yet chi ajtok eb israel bay Jerusalén. Ta manak Jehová chi watx'nen na, nabac'al mi chi mulnaj eb mulnajwom. Ta manak Cham chi taynen conob, nabac'al mi chi taynelay yuj eb centinela.

²Nabac'al chi yetnej eb c'ul mulnaj masanil c'u, cax ayc'al oc eb yin bilc'ulal yet chi low eb, yujtol a Dios xin, chi yak' watx'c'ulal bay eb is camc'ulnebil, yak'ban chi way eb.

³A eb unin chi alji ayon, sabal Jehová yayji eb, cax ochebil toni.

⁴A eb unin chi alji ayon yin jach'ejal, axca wal julbalej eb yul k'ab nak ak'om owal.

⁵Tzalojc'ulal yet mac xiwil is julbal axca juntzan tu'. Man ok el q'uixwil yuj eb ajc'ul oc yin, yet chi colon ba satak eb juez.