Read Q'anjob'al Sal 129 Bible Online

Sal 129 - Q'anjob'al bible

Sal 129

¹Bit yet chi ajtok eb israel bay Jerusalén. Jantakxa yailal max yaoc eb jiban ayon Israel on ti' yettaxc'al yichbanil. Jalokab axca ti' xin:

²Xiwilxa yailal max yaoc eb jiban yettaxc'al yichbanil, palta c'am chi tzakay eb ajc'ul tu' ayon.

³Max yasjitok jichin mak'on eb, txequelxac'al max yun yaxbi jichin yuj eb.

⁴Axa Jehová xin, tojol ton Cham, max on is col Cham yul k'ab eb unem yobal tu'.

⁵Elokab q'uixwil eb, elokab aj eb ajc'ul yin Sión.

⁶Yunokab el eb axca an ac'un chi ch'ib yibanlak na; a yet c'amtoc'al chi oclay ajtek an, cax chi takilok.

⁷A an ac'un tu', c'am chi wajnaj yul co k'ab, tamwal chi c'al-lay yin topanil.

⁸Tokwal a yet chi eq'uel junok anima cax chi yalon yin an: Yak'okab Jehová watx'c'ulal yin. Ayon ti' chi co k'an watx'c'ulal Cham yin, man ẍiok eb.