Read Q'anjob'al Sal 138 Bible Online

Sal 138 - Q'anjob'al bible

Sal 138

¹A ton bit David ti' Yin masanil in c'ul, ok wal yuj diosalil ayach Mamin Jehová, ok ach in bitnej satak juntzan dioslak.

²Ok in ay jajan ayach bay yetc'ulal a templo tol et yayji, yuj walon yuj diosalil ayach yuj a camc'ulal, c'al yuj chak' yun tzet chala'. Max e aj can a bi yetok a k'anej yiban masanil tzet yetal.

³Max in a tak'wej, yet max ach wawteni, cax max aj can aon oc wip.

⁴Masanil eb rey yulyibank'inal ti', ok yal eb watx' k'anej en yet ok yaben eb alben.

⁵Ok yal eb watx' k'anej ayach yuj tzet yetal mayal a nabalnej elok, tutun tol mimanbil ekbej.

⁶Caxc'al miman ekbej, palta chach oc t'anan yin eb yaynakil anima, axa eb lues, najattac'al cheltok eb.

⁷A yet ayin ec' xol tzet ay is may, iquis inc'al ec' oj; chaontek epalil cax chin a colon el bay yowal eb ajc'ul oc win.

⁸Ach Jehová ok ach oc wetok yet watx' watx'c'al chin eloc yin tzet cha na' win. A a camc'ulal ayc'al yin tojbalk'inal. A tzet yetal max eil yich win, manokab cancan c'ananok.