Read Q'anjob'al Sal 14 Bible Online

Sal 14 - Q'anjob'al bible

Sal 14

¹A ton bit David ti' A eb yob nabal, chi na eb tol c'am Dios. Junlajanxac'al max yun yetaxtok nabal eb. C'am axcaxa yobal max el yunen eb. C'amxa mac chi unen watx'c'ulalil.

²Atac'al bay satcan t'anantek Cham Jehová jin, yuj yiloni ta ay junok on chi nachaj el juj, ta ay mac chi naon Cham.

³A bay jun be yob max on tojcan co masanil. Junlajan max yun jetnentok co ba. Tok ayto wal mactxel chi unen watx' beybalej. Tutun c'am mactxel, tamwal junok.

⁴Axq'uijan wal tol c'am nabal eb unem yobtakil. A eb tu' chi c'ayon el eb wet conob, axcaoktam tol loj, cax c'am chi yal ba eb bay Jehová.

⁵Ok aj can is xiwc'ulal eb tu', cax ok bilaj eb, yujtol a Dios ayic' yetok eb tojol beybal.

⁶Chi yochej eb chi yetnejtok nabal eb meba', palta a Jehová chi colon eb.

⁷Ta a bay tzalan Sión chi tit co colbanil ayon Israel on ti', a yet ok yak'on Jehová is watx'c'ulal jiban junelxa, ok tzaloj aj co c'ul ayon yinatil on Jacob ti', cax ok el lenaj ok jila'.