Read Q'anjob'al Sal 141 Bible Online

Sal 141 - Q'anjob'al bible

Sal 141

¹A ton bit David ti' Mamin Jehová, sebach yin aymanil, tol chi wal in ba ayach. Ab yul in nuk' yet lanan walon in ba a satak.

²Watx'okab toj in txaj axca toj mubal incienso a satak Mamin, axa in k'ab mojan ajtok ayach, lajanokab axca wal ofrenda yet yayc'ualil yul a sat.

³Mamin Jehová, acan oc taynemal in ti', yet watx' c'am chi wal yobal k'anej.

⁴Najattac'al checan el in nabal yin yobtakil. Manchak in a cha ec'jab yin yobal beybalej, cax manchak in a chatok low bay is mimek loj eb unem yobtakil.

⁵Ta a junok winak watx' chi yaoc tz'um win, watx' chin yutej. Ta chin is tzu, axca tol chi yaoc perfume win, xan chi cha' in c'ul. Palta chin txajli, yet watx' chi tenlay oc wanaj yunben eb yobtakwom.

⁶A is yajawil eb unem yobal, ok tenlay aytok eb satlak mimek ch'en, cax ok il-layok tol a in k'anej yel toni.

⁷Axca miman ch'en chi mak'lay pojok, cax sakleminak chi yuncantok is c'ajil, axca tu' ok yun saklemcantok is bakil eb yobtakwom bay cawilal mukbanil camnak.

⁸Mamin Jehová in Diosal, ay wal oc in sat en; a en chin say in colbalba; manchak in a bekcanok.

⁹Colin el bay yal max yaay eb unem yobal ayin.

¹⁰Ayokab c'ay eb yobtakwom yul is yal tu', axa in xin, cac'alokab ti' in beytok.