Read Q'anjob'al Sal 142 Bible Online

Sal 142 - Q'anjob'al bible

Sal 142

¹A ton txaj David yet chi c'ubaj ba yul nach'en. Can chi wut yul in nuk' yet chi walon in ba bay Jehová; yin ipejal chin k'an bay tol chi ok' c'ul Cham win.

²A satak Cham chi wal in ba. A wal satak chin tx'ox in bilc'ulal.

³Yet manxa animaok ay in c'ul Mamin Jehová, ojtak wal in be. A bay jun be bay chin toji, a tu' max yaay eb yal.

⁴Chin toj t'anan bay in watx' k'ab, tokwal ay mactxel chi jay yet chi oc wetok. ¡Tutun c'am mactxel chin coloni! ¡C'am mactxel chi oc il wuj, caxc'al chin cami!

⁵Mamin, a ayach chi wal in ba, cax chi walon ayach: A en chin col in ba, in satak ayji ocok bay tx'otx' tx'otx' ti', quin chi.

⁶Ocan t'anan win, tol chi el waw ayach tol c'amxa wip. Colin el bay eb chin ukten ec'ok, yujtol yelxac'al miman yip eb wintak.

⁷I in eltek yin in yailal in k'ana', yet watx' ok je' wuj walon watx' k'anej ayach. Axa eb anima watx' nabal, ok oc oyan winlak yet ok ak'on a watx'c'ulal win.