Read Q'anjob'al Sal 15 Bible Online

Sal 15 - Q'anjob'al bible

Sal 15

¹A ton bit David ti' Mamin Jehová, ¿mactxel eb chi je' cajay ec' bay a templo? ¿Mactxel chi je' yayji ec' bay a tzalan yet ayilal?

²Asan mactxel ikem ayach, c'al watx' is yunben, tol k'anej yel chi yal yin masanil c'ul.

³A mac c'am chi nawi aj k'anej, tamwal chi yetnej yamigo, tamwal chi yal k'umal eb cajan ec' c'atan.

⁴A mac chi yintaknej el mac intaknebil el oj Mamin, palta chi tzaloj aj c'ul yin eb ay elapnok yul sat. A mac c'am chi q'uex is ti', chic'al yun tzet chi yala', caxc'al chi can yalan yuj.

⁵A mac chi yak' tumin yin c'am yuca', cax c'am chi txon ba yin lek'ti' testigoal yin eb c'am is mul. A mac axca tu' is beybal, yel wal c'am bak'in ok ayc'ayok.