Read Q'anjob'al Sal 16 Bible Online

Sal 16 - Q'anjob'al bible

Sal 16

¹A ton bit David ti' Ach in Diosal, taynej in wali. Asan en chin col in ba.

²Mamin Jehová, maxax wal ayach: Ach ton Wajawil ach, a masanil watx'il ay ayin, a ayach chi tita, quin chi.

³Watx' yet eb ikem xol a conob. Wochwan chin ayji xol eb.

⁴Ok aj can yailal eb chi toj yintak junokxa dios. Maj wal in oc yetok eb yin chiq'uil xajanbal eb tu'. Man ok wal in ba bay is diosal eb tu'.

⁵Mamin Jehová, asan ton ach in satak ach. Ach ton chak' masanil tzet chi yochej in c'ul. Ay wal ec' in k'inal yul a k'ab.

⁶Watx'xac'al tzet yetal max chaloj wuj. Manxa watx'ilok in satak max ak' in sataknej.

⁷Mamin Jehová, chi wal watx' k'anej ayach yujtol ach chak' in nabal, toltax yet ak'balil cha cuy in nabal.

⁸Tojbalk'inal naan achc'al wuj. Yujtol ayach ec' bay in watx' k'ab, xan c'am chi somchaj el in c'ul.

⁹Yuj tu' xan caw chi tzaloj in c'ul cax chin bitni yin tzalojc'ulal. C'am tzet chin na' yuj in mimanil ti', yujtol chach waoc yipok in c'ul,

¹⁰yujtol man ok a bekcan wanimail xol eb camnak, tamwal ok a cha k'atok in mimanil ti', ayin tol sic'bil in el oj ti'.

¹¹Max ak' wojtaknej el beal k'inalej, ok in ak' tzalojbok yet ayin ec' etok. Ok el lenaj ok yil wanimail yin tojbalk'inal bay a c'atan.