Read Q'anjob'al Sal 24 Bible Online

Sal 24 - Q'anjob'al bible

Sal 24

¹A ton bit David ti' A Jehová ay yet tx'otx' tx'otx' ti' c'al masanil tzet yetal ibil aj yuj tx'otx', c'al masanil eb cajyom;

²yujtol a Cham max watx'nen yichbanil tx'otx' tx'otx', cax max cawxanej yichbanil yulak a' mar, c'al yiban a' mimek aej.

³¿Mactxel chi je' yajtok bay tzalan tol yet Jehová? ¿mactxel chi je' yayji bay makbej ayilal?

⁴Tix eb ok je' yajtok ti': A mactxel tol c'am tzet yob chi el yunen yetok k'ab, tol sak yayji c'apax is nabal, c'am yobtakil yin; a ton mactxel c'am chi yak' ayilal bay yechelej, tamwal chi yal lek'tial k'anej.

⁵A jun ti' ok cha' watx'ilal bay Jehová. A Dios ok alon elok tol c'am is mul, cax ok yak'on is colbanil.

⁶Axca tu' is beybal eb chi yochej chi oc satak Cham Yajaw, eb chi oc satak Diosal Jacob.

⁷¡Ex conob, jakek puertalak tol ayc'alta' yet payxa! ¡Jakanokab capaq'uil, yujtol ok oc Cham Rey Mimanbil!

⁸¿Mactxel jun Cham Rey Mimanbil tu'? A ton Jehová, Cham xiwil yip, Cham ay is mayk'ak'al. A Cham Jehová chi ujc'alta' yak'on ayc'ay owal.

⁹¡Ex conob, jakek puertalak tol ayc'alta' yet payxa! ¡Jakanokab capaq'uil, tol ok oc Cham Rey Mimanbil!

¹⁰¿Mactxel jun Cham Rey Mimanbil tu'? ¡A Jehová, Cham Yajaw yin masanil, a ton Cham Rey Mimanbil ti'!