Read Q'anjob'al Sal 26 Bible Online

Sal 26 - Q'anjob'al bible

Sal 26

¹A ton bit David ti' Mamin Jehová, alcan elok tol c'am in mul, yujtol watx'c'al tzet chi wunej. Yip ach in c'ul Mamin, yujtol c'am in cabc'ulal en.

²Ilin Mamin, cax cha sayon el in nabal c'al wanimail.

³Yujtol c'am chi tojcan c'ayc'ulalil a camc'ulal wuj, cax ikem in c'al ayach.

⁴Yel wal c'am bay watx'xac'al wak'on yetok eb yobtakwom, c'am bay junej max in ec' yetok eb cabsat.

⁵Xiwil chin cak is wajayil eb yobtakwom. Yel wal c'am bay watx'xac'al wak'on yetok eb chi etnentok watx' beybalej.

⁶Ok in tx'aj in k'ab yuj in tx'oxon tol c'am in yobtakil. Catatu' bian chi yochej in c'ul chin ec' oyoyok yin a altar.

⁷Axa walon watx' k'anej yin bitalil tu', cax ok walon el onben tol c'ayubtak yoqui.

⁸Mamin Jehová, chin camc'ulnej a templo bay cajan ach ec'ok. A wal bay tu' chi al-lay el a mimanbilal.

⁹C'am chin ak' cam yetok eb yobtakwom, manchak ecan el in k'inal yetok eb mak'om cam anima,

¹⁰yujtol ibil oc is yobc'ulalil eb, cax bekanc'al c'ul eb chaon montebal tumin.

¹¹Axa in xin, okc'al wiaj can in watx'ilal, colin el Mamin. ¡Ok' wal a c'ul win xin!

¹²Waan in aj bay c'am tzet chin oni. Ok wal watx' k'anej ayach Mamin Jehová xol eb wajan ec' a satak.