Read Q'anjob'al Sal 28 Bible Online

Sal 28 - Q'anjob'al bible

Sal 28

¹Mamin Jehová, asan ayach ok wal in ba, axca tol in nach'en ach, manchak ach el tx'uman ayin. Ta chach tz'inji el ayin, ti wal a in tojcan xol eb camnak tu'.

²Mamin, chi yochej in c'ul chabej, yet chi walon in ba ayach; chin k'an a colwal yet ipan wion aj in k'ab yul a templo.

³Manchak in a beyc'ulnej yetok eb yobtakwom, eb watx' k'anjab yalbanil, palta a yul is c'ul eb ay yajc'ulalil.

⁴Beyc'ulnej eb, atac'ala' is yunben eb; atac'ala' tzet chi el yunen eb tu', caywal tu' chot aon oc tz'um yin eb.

⁵Tutun tol c'am yelapnok yul sat eb tzet yetal max onej. A eb tu' cha c'aycan el eb, cax manchakxa ilay aj wan eb.

⁶Al-layokab watx' k'anej bay Jehová, yujtol max yab Cham tzet max wal xol in yailal.

⁷A Jehová Wipomal, a' chin colon axca ch'en enelej. A Cham max waoc yipok in c'ul, cax max occ'al wetok; yuj tu' xan xiwil chi tzaloj in c'ul. Ok in bitnok cax ok walon yuj diosalil bay.

⁸A Cham ayoc yipomalok is conob, cax chi colwaj c'apax win ayin is reyal in eb, tol sic'bil in el yuj ti'.

⁹Mamin Jehová, colcan el a conob; ak' a watx'c'ulalil yiban eb tol etc'altac'a. Taynej eb yin tojbalk'inal.