Read Q'anjob'al Sal 3 Bible Online

Sal 3 - Q'anjob'al bible

Sal 3

¹A ton bit David ti' yet max elaj bay Absalón is c'ajol. Mamin Jehová, xiwil mactxel ajc'ul oc win, xiwil eb chi meltzoj oc win.

²Xiwil eb chi aloni tol man ok in a colil yal eb.

³Palta ayin xin ach Mamin, in Colomal ach, oj xan chin aj can; ach ton chak' in tec'anil.

⁴A yet chin awji ayach, chin a tak'wej tac'al bay a tzalan yet ayilal.

⁵Chin ay telanok, cax chin way ajok; watx'c'al chi yun yel in wayan, yujtol ach chin a taynej.

⁶C'am chin xiw yuj jun miman bulan ak'om owal oyan ec' winlak ti'.

⁷¡Mamin Jehová, ocan wetok! ¡Ach in Diosal, colinc'al! Ach ok a mak'tok sat eb ajc'ul oc win, ok a mak'on eltek ye eb unem yobtakil.

⁸Mamin Jehová, ach ton chach colwajc'al. Ak' a miman watx'c'ulal jiban ayon a conob on ti'.