Read Q'anjob'al Sal 30 Bible Online

Sal 30 - Q'anjob'al bible

Sal 30

¹Mamin Jehová, chach in bitnej yin watx' k'anej, yujtol max quin a sic' aj wan xol pimal yailal, yujtol maj yal a c'ul max in buchlay yuj eb ajc'ul oc win.

²Mamin, in Diosal ach, max in k'an a colwal, cax max ak'on jay in c'ul.

³Mamin, achton max in a col bay camich. Max ak' in cawil, maj in a chatok xol eb camnak.

⁴Ex conob yet-xa Jehová, bitnejek Cham, yujtol Asanxanej Ocok.

⁵Yujtol junnej txolan ay yowal c'ul Cham; axa is watx'c'ulal, ayc'al yin tojbalk'inal. Caxc'al chon ok' yet ak'balil, axa yet chi k'inibi, chi jay co tzalojc'ulal.

⁶A yet watx'xac'al ayin max wabej, max in na': C'am bak'in chin ayc'ay yuj junok tzet yetal, quin chi.

⁷Yin wal watx'il a c'ul Mamin Jehová, max quin occan bay c'am tzet chin oni. Palta a yet max ecan el a ba ayin, max somchajcan aj in c'ul.

⁸Max ach wawtej Mamin, cax max walon in ba ayach:

⁹¿Tzet che' win, k'inalok tatol chin cami cax chin mukayi? Majxa je' ach bitnen eb maxax oc yin pokokal. Maj c'apax je' yalon el watx' k'anej en yuj a watx'c'ulalil chonej.

¹⁰Mamin Jehová, ab wal tzet ok wala', cax chi ok' a c'ul win. Mamin, ocanc'al wetok.

¹¹Max a q'uexcantok in k'akawil yin tzalojc'ulal. Max ecan el in cusc'ulalil cax max aoncan oc an pichilej yet k'in in pichilok.

¹²Yuj wal tu xin, ach Jehová in Diosal, yel maj wal je' in tz'inji. Ok in bitnok ayach yin aloj watx' k'anej, c'al yuj aloj yuj diosalil ayach yin tojbalk'inal.