Read Q'anjob'al Sal 32 Bible Online

Sal 32 - Q'anjob'al bible

Sal 32

¹A ton bit David ti' Tzalojc'ulal yet mactxel max jolay c'ay is yec'nakilal, cax max tancan el is mul yiban.

²Tzalojc'ulal yet mactxel c'am chi oc is mul mulok yuj Jehová, cax c'amxa etnej anima chi yunej.

³A yet c'amto chi walajtek in mul, yelc'ulal max tanchaj ay in mimanil max wabej, yuj chin k'akwic'al.

⁴Yet c'ualil c'al ak'balil yelc'ulal max ak' wik tz'um; axca wal an takin ac'un tol chi takcan el yuj waresma, cayin tu' max wabej.

⁵Catatu' max walon ajtek in mul ayach, c'am tzet max webaj elok. Max el yin in c'ul walon ajtek in mul ayach; achxa Mamin, max ecan el wiban.

⁶Yuj wal tu xin, yalokab ba eb ikem ayach, yak'ban chito je'; caxc'al chi jay yailal axca elom aej, man ok apnok yin eb.

⁷Ach ayach oc wenelok, ach ok in a colcan el bay witz'anil, ok in bitnej in bekanil max ak'a'.

⁸Max yal Jehová ayin: Ok ach in cuyc'al yin tzet ok onej; ok in tx'ox ayach bay ok ach tok, cax ok ach in taynej.

⁹Manchak ot a ba axca no caballo, ma axca no mula; a juntzan no' tu', c'am chi nachaj el yuj no'; yowalil chi mitx'lay waay yipal no' yetok freno c'al yetok tx'anil ti no'. Ta c'am chi yun axca tu' man ok oc no' a c'atan, ẍi Jehová ayin.

¹⁰A eb yobtakwom, xiwil is yailal eb ok jayok; axa eb ayoc Dios yipok c'ul, a camc'ulal Cham chi mojon aj eb.

¹¹Ak'ek tzalojbok e c'ul yin Jehová ex anima watx' e nabal. Bitnanek yin tzalojc'ulalil, masanil mac ex ayex oc yin tojolal.