Read Q'anjob'al Sal 36 Bible Online

Sal 36 - Q'anjob'al bible

Sal 36

¹A ton bit David, is chekbej Jehová ti' A yobtakil chi iptzen is yanimail anima yin yobal, c'am jabok yelapnok Dios yul sat eb.

²Yujtol chi yaloc ba eb watx'il, c'am chi yiltek ba eb yin is mul, tamwal chi bekcan eb.

³Yobal k'anejc'al chi yal eb, cax naom aj k'anej eb; max elcan eb yin watx' nabalej, max bekcan watx'ilal.

⁴Telan ay eb bay is tx'at, cax nanon yec' c'ul eb yuj yunen yobtakil, man watx'ok be bay ayoc eb, c'am chi yal c'ul eb chi yiel ba yin yobtakil.

⁵Axa ach Mamin Jehová, atac'al bay satcan chi apni a camc'ulal, toc'alta' chak'c'al yun tzet chala'.

⁶A a tojolc'ulalil ec'ban yintak mimek witzlak. A a beyc'ulal axca wal yayji a' miman mar caw najat yich. A wal ach ti' Mamin, ilbil eb anima oj yetokc'al no no'.

⁷Ach Dios, c'ayubtakxac'al a camc'ulal. Yuj tu' axca tol ay a xic' xan a en chi co col co ba.

⁸Chi nojcan el co c'ul yuj miman loj chak' ayon. Chi juc'a' bay a' miman aej yet a watx'c'ulalil.

⁹Yujtol a en ay nuk'ail k'inalej; axa a c'atan ok jil yin a sakk'inal.

¹⁰Ayokab a camc'ulal yetok a tojolal ayon, ayon tol jojtak ach ti', a ton ayon watx' co nabal.

¹¹Manchak a cha jay eb lues win; tamwal eb yobtakwom, manchak in yuktej el eb.

¹²Ilek wal bay max ayc'ay eb yobtakwom. Max ayc'ay eb, cax c'amxa bak'in chi aj wan eb.