Read Q'anjob'al Sal 42 Bible Online

Sal 42 - Q'anjob'al bible

Sal 42

¹A ton bit eb yinatil Coré ti' Axca junok tx'ucchej chi ec' sayoj aej yuj takintial, cayin wal tu' ach in Diosal, lanan ach wocheni.

²A wanimail chach yochej ach Dios iquis. ¿Bak'in ok in apnok a satak junelxa?

³Yet c'ualil c'al yet ak'balil chin ok'i. Axac'al wok'ilal ti' ayoc in lobejok, yak'ban chi k'anlejc'al eb ayin: ¿Baytal ay jun a Diosal tu'? ẍi eb.

⁴A wal yet chin naon juntzan ti', chi oc pitz'an yin in c'ul. Chin naontek yet ayin jun xol eb anima yin wikban eb, yin co toj bay templo yet Dios. Xiwil aw chi oqui, xiwil tzalojc'ulal c'al aloj yuj diosal. Miman k'in ton wal xin.

⁵¿Tzet wal yuj xan chi cabax aj in c'ul? ¿Tzet yuj xan chi somchaj wanimail? A Dios ayoc yipok in c'ul, tol ok toc'al wal watx' k'anej yin Cham, a wal Cham in Colomal c'al in Diosal yayji.

⁶Caw wal cusc'ulal wayji tinani'. Yuj tu' xan xiwil chin natek in Diosal bay makbej a' Jordán, c'al bay makbej witzlakil yet Hermón, c'al Mizar.

⁷A bay mimek jotx'lak chi ablay bil a' pajajlak. Manxa wal owal aejok chi yatek Cham, chic'al eq'uel a' wiban.

⁸A yet c'ualil chi tx'ox Jehová is camc'ulal ayin, axa yet ak'balil, c'am chi oc wanaj in bitni, c'am c'apax chi oc wanaj in txajli bay Dios, Cham mac yuj xan iquis in.

⁹Chi walon bay in Diosal: Ach in Colomal, ¿tzet yuj xan chin tojcan c'ayc'ulal oj, xan tol cusiltak in c'ul chin ec'jab yuj chi witz'ba eb ajc'ul oc win? quin chi.

¹⁰Chi wab yail, axca tol chi mak'lay poj in bakil yuj bay chin yetnej eb ajc'ul. Junjunc'al txolan chi k'anlen el eb ayin: ¿Baytal ay jun a Diosal tu'? ẍi eb.

¹¹¿Tzet wal yuj xan chi cabax aj in c'ul? ¿Tzet yuj xan chi somchaj wanimail? A Dios ayoc yipok in c'ul, tol ok toc'al wal watx' k'anej yin Cham. A wal Cham in Colomal, c'al in Diosal yayji.