Read Q'anjob'al Sal 43 Bible Online

Sal 43 - Q'anjob'al bible

Sal 43

¹Ach in Diosal, beyc'ulnej in, cax chaloni tol c'am in mul. Ocan walomalok yuj juntzan anima c'am Dios yul sat ti'. Colin el bay eb naom aj k'anej, c'al bay eb yob beybal.

²Ach in Diosal, in Colomal ach, ¿tzet wal yuj xan najat chin ecan el a satak? ¿Tzet wal yuj xan cusiltak in c'ul chin ec'jabi, cax chin yetnenc'al eb ajc'ul oc win?

³Tx'ox a sakk'inal ayin, c'al a k'anej yel, yet watx' a ok in tx'oxon be chi toj bay tzalan yet ayilal, bay cajan ach ec'ok.

⁴Ach in Diosal, ok in apnok bay altar xin. A bay tu' ok ach in bitnej yetok arpa, toltac'a chin ak' tzalojbok.

⁵¿Tzet wal yuj xan chi cabax aj in c'ul? ¿Tzet yuj xan chi somchaj wanimail? A Dios ayoc yipok in c'ul tol ok toc'al wal in watx' k'anej yin Cham, a wal Cham in Colomal, c'al in Diosal yayji.